LUKAS 4:8 - BIBEL JAMITA NA DENGGAN

⁸ Dialusi Jesus ma, “Tarsurat do di Buku Na Badia i, ‘Somba ma Tuhan, Debatamu jana Ia sajo do sioloanmu!’ ”

LUKAS 4:8 Iomraidhean Croise

2 RAJA-RAJA 19:15

Martangiang ma ia, ning ia, “O Tuhan, Debata ni Israel na maringanan di ginjang ni angka kerub, hum sasada Ho do Debata na mamarenta sandok harajaan di sisik ni tano on. Ho do na manjadihon langit dohot tano.

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

MATEUS 16:23

Tapi humusor ma Jesus manaili tu si Petrus, didok Ia ma, “Morot ho sian on, Sibolis! Gabe batu partuktuhan do ho di Au. Pikiran ni jolma do pikiranmi! Inda pikiran ni Debata na songon i!”

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

LUKAS 4:4

Dialusi Jesus ma, “Tarsurat do di Buku Na Badia i, ‘Nada hara ni roti sajo umbaen na mangolu jolma.’ ”

LUKAS 4:7

Gabe Ho ma nampuna i sude muda tunduk Ho marsomba tu au.”

PANGARATAION 10:20

Habiari hamu ma Tuhan Debatamunu, jana tuSia sajo ma hamu mangoloi. Sai hot ma hamu setia tuSia jana mangasahon goarNia ma baen hamu angka janjimunu.

PANGARATAION 6:13

Habiari ma Tuhan Debatamu jana mangoloi tuSia sajo ma ho jana janjimu pe di bagasan goarNia sajo ma baen.

JAKOBUS 4:7

Antong, oloi hamu ma Debata jana alo hamu ma Sibolis i, anggo i marlojongi ma Sibolis i sian hamu.

1 PETRUS 5:9

Alo hamu ma i, jana ulang ma ganggu haporsayaanmunu tu Kristus i, harana diboto hamunu do, angka donganmunu pe di portibi on na rap sahaporsayaan tu Kristus i, laing manaon parkancitan do songon hamu.

HALUMBAAN 19:10

Tungkap ma au di jolo ni surusuruan i giot marsomba tusia, tapi ning ia ma mandok tu au, “Ulang! Ulang pola marsomba ho tu au, Debata ma somba! Harana au pe laing naposo do songon ho jana sarupa dohot angka donganmu na marhasaksian taringot tu Jesus.” Somba ma Debata, angke anggo hasaksian taringot tu Jesus, i ma tondi hasurirangon.

HALUMBAAN 22:9

hape ning ia ma tu au, “Ulang! Ulang ho marsomba tu au! Debata ma somba! Angke laing naposo muse do au sarupa dohot ho, dohot songon angka donganmu panurirang dohot sudena halak na marmomos angka hata na di bagasan buku on!”

1 SAMUEL 7:3

Dung i didok si Samuel ma tu halak Israel, “Muda na giot marbalik ma hamu tu Tuhan jana marsomba tuSia sian sandok rohamunu, angkon ambungkononmunu do sude debata na asing dohot patung ni Dewi Astoret i. Pasahat hamu dirimunu sude tu Tuhan jana hum tuSia sajo ma hamu marsomba, jadi gabe paluaonNa ma hamu sian halak Pilistin.”