LUKAS 4:43 - BIBEL JAMITA NA DENGGAN

⁴³ Tapi didok Jesus ma tu halahi, “Tu kota na asing pe angkon pabotohononKu do Jamita Na Denggan taringot tu Harajaan Ni Debata, angke hara ni i do umbaen na disuru Au!”

LUKAS 4:43 Iomraidhean Croise

JESAYA 48:16

Ro ma ho padonok ma tu Au jana tangihon ma, sian najolo do marsitangkas Au mandok hata; jana dompak tarjadi sudena i, disi do Au.” Saonnari au diutus Tuhan Debata jana dohot TondiNa au dipasingkop.

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

MARKUS 1:35

Ancogotna i taran golap dope ari, ngot ma Jesus. Kehe ma Ia tu balian tu inganan na lungun. Martangiang ma Ia disi.

JOHANNES 20:21

Dung i didok Jesus ma tu halahi sanoli nari, “Hasonangan ma di hamu! Songon parsuru ni Damang di Au, laing songon i ma hamu Husuru.”

JOHANNES 9:4

Salolot torang dope ari, angkon pupuonta do mangkarejohon karejo ni na marsuru Au. Angke potang ne ma ari jana nada tarbaen sanga ise be markarejo dung di hatiha i.

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.