LUKAS 4:35 - BIBEL JAMITA NA DENGGAN

³⁵ Disonggakkon Jesus ma tondi i. “Sip!” ninna Jesus, “Morot ma sian bayo on!” Dung i diompaskon setan i ma bayo i di jolo ni halahi sude, dung i ruar ma ia sian bayo i. Nada jabat mahua bayo i nian.

LUKAS 4:35 Iomraidhean Croise

MASMUR 50:16

Tapi anggo tu halak na jahat didok Debata do, “Nada adong hakmu pajojorkon aturanKu, dohot mandok hata satongtang tu parjanjianKu.

ZAKARIA 3:2

Didok Surusuruan ni Tuhan ma tu Sibolis i, “Sai diuhum Tuhan ma ho, ale Sibolis! Sai diuhumi Tuhan na manghaholongi Jerusalem i ma ho. Nada he surpu na nitarik sian api do ia?”

MATEUS 17:18

Gabe dipaorot Jesus ma setan i sian dakdanak i. Morot ma setan i, gabe manigor malum ma dihilala dakdanak i.

MATEUS 8:26

Ninna Jesus ma tu halahi, “Ale hamu na menek haporsayaan, biasi he mabiar hamu?” Dung i jongjong ma Jesus manyonggak alogo dohot ombak i. Gabe so ma manigor alogo i.

MARKUS 1:26

Diparambalkon tondi na jahat i ma na marnyae i gogo-gogo, dung i haruar ma ia sian i huhut marsurak.

MARKUS 4:39

Ngot ma Jesus, digorahon ia ma alogo i. Didok Ia ma, “So ma ho, pasonang ma!” Jadi so ma alogo i, manigor sonang sajo ma sude.

MARKUS 9:26

Mangarar ma setan i, dipatoltol ia ma pamatang ni dakdanak i, haruar ma ia sian dakdanak i. Songon tompa ni bangke noma idaon dakdanak i jabat didok halahi sude, “Ma mate i!”

LUKAS 11:22

Tapi muda adong sada halak na gumogo sian ia jana manaluhon ia, buatonnia ma sandok sinjata na dipakenia i, jana bagi-bagionna ma sude tabanna i.

LUKAS 4:23

Dung i didok Jesus ma tu halahi, “Tontu didok hamu do umpama on tu Au: ‘Ale, pangubati, pamalum ma jolo diriMu sandiri. Angka na nipatupaMu di Kapernaum, laing songon i ma jolo baen di huta hagodanganMon.’ ”

LUKAS 4:39

Jadi, jongjong ma Ia di lambung ni dadaboru i, jana disonggak Ia ma nyae i. Dung i ditadingkon nyae i ma ia, manigor jongjong ma dadaboru i mangoloi halahi.

LUKAS 4:41

Angka setan pe marmorotan ma sian pamatang ni bahat halak, huhut marsurak-surak, “Anak Ni Debata do Ho!” Tapi disonggak Jesus ma halahi jana nada dipaloas Ia halahi mangkatai, angke diboto halahi do bahaso Ia do Kristus i.

LUKAS 8:24

Kehe ma angka siseanNia i mandapotkon Jesus mangngoti Ia. Ning halahi ma, “O, Guru! Guru! Marmara ma hita on!” Ngot ma Jesus, digorahon Ia ma alogo dohot aek ni dano na marombak i. Alogo i pe dohot aek ni dano i nada marombak be jana gabe so ma sudena.

LUKAS 9:39

Adong do begu manggosa ia, gabe sai ompot ma mangangguhi, martoltolan ma pamatangna i lopus margubo-gubo pamanganna i. Hancit dihilala ia. Nada ra morot begu i sian anakki!

LUKAS 9:42

Jadi hatiha mardalan dakdanak i laho mandapotkon Jesus, digosa setan i ma ia, dung i martoltolan ma pamatangna i. Tapi disonggak Jesus ma begu i jana dipamalum Ia ma dakdanak i. Dung i dipasahat ma dakdanak i mangulahi tu amangna i.

HALUMBAAN 12:12

Hara ni i, angkon marjop ni roha godang ma banua ginjang dohot sudena na maringanan disi! Tapi marjaya ma anggo tano dohot laut, dibaen madung mijur tu ho Sibolis di hagigilap ni rimasna, harana madung diboto ia santongkin nari noma hatihania.”