LUKAS 4:28 - BIBEL JAMITA NA DENGGAN

²⁸ Muruk ma sude halak na di bagas paribadatan i umbege hata ni Jesus na songon i.

LUKAS 4:28 Iomraidhean Croise

2 JUJUR TAON 16:10

Songon i noma murukna si Asa umbege pandohan ni Panurirang Hanani i jadi gabe dipamasuk ia ma panurirang i tu hurungan. Di hatiha i laing dipisat si Asa do sanga na piga halak sian rayatnia i.

JEREMIA 38:6

Dung i dialap halahi ma au jana ditantan halahi ma au dohot tali tu bagasan sumur ni si Malkia anak ni raja i. Di alaman ni bagas godang i do sumur i. Nada adong aek di bagasan sumur i, hum bustak do jana masuk ma au tu bustak i.

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

LUKAS 4:27

Songon i muse do di hatiha ni Panurirang Elisa, bahat do halak na hona panyakit kusta di Israel, hape umpe sahalak sian halahi na dipamalum; hum si Naaman halak Siria i sajo do.”

LUKAS 4:29

Jongjong ma halahi manyarat Jesus tu balian ni kota. Dioban ma Ia tu puncut ni dolok. (Di dolok i do parkotaan ni halahi dibaen.) Umbaen na tusi pe Ia dioban anso dionjarkon do Ia tu rahis godang i.

LUKAS 6:11

Tapi anggo halak Parise i dohot angka Siboto Surat na disi, milas sajo ma roha ni halahi, martahi ma halahi sanga songon dia baenon ni halahi tu Jesus.

BAENON NI ANGKA RASUL 5:33

Jadi dung dibege halahi na songon i muruk sajo ma halahi, jana martahi ma halahi laho mamatehon angka rasul i.

BAENON NI ANGKA RASUL 7:54

Jadi dung dibege angka na ro tu rapot ugamo i na nipajojor ni si Stefanus i, gabe hancit ma roha ni halahi jana patungaripon ma halahi tusia.