LUKAS 4:20 - BIBEL JAMITA NA DENGGAN

²⁰ Dibalun Jesus ma mangulahi buku i laho paulakkon tu parkobas na disi, dung i juguk ma Ia. Sude ma halak na disi marsiligi tuSia.

LUKAS 4:20 Iomraidhean Croise

MATEUS 26:55

Dung i didok Jesus ma tu halak na bahat i, “Ro hamu laho manangkup Au maroban podang dohot potuk-potuk. Halak na jahat dehe Au lakna? Ganop ari do Au mangajari di Bagas Ni Debata hape nada ditangkup hamu Au!

MATEUS 27:60

Dipayakkon si Josep ma bangke ni Jesus i di bagasan kuburan, ia puna sandiri. Na baru dituhil dope i, i ma di sada dolok batu. Digulang ia ma sada batu na godang tu baba ni kuburan i, kehe ma ia.

LUKAS 19:48

Tapi nada dapot halahi sanga songon dia pambaenna, angke sude rayat tuSia do rohana jana por do rohana manangihon Ia.

LUKAS 4:17

dilehen ma tuSia buku ni Panurirang Jesaya. Dibuka Ia ma buku na margulung i gabe dapot Ia ma disi ayat on,

LUKAS 4:21

Dung i dipungka Ia ma mandok tu halahi, “Sadari on ma hasongtian surat on, taran dibege hamu dope!”

LUKAS 5:3

Masuk ma Jesus tu sada parau, i ma parau ni si Simon, laing disuru Ia ma si Simon mangonjar parau i dumao saotik sian topi ni dano i. Juguk ma Jesus di bagasan parau i, gabe sian i ma diajari Ia halak na bahat i.

JOHANNES 8:2

Ancogotna i manyogot dope, kehe ma Ia mangulahi tu Bagas Ni Debata, jana bahat ma marroan halak mandapotkon Ia. Dung i juguk ma Ia, dipungka Ia ma mangajari halahi.

BAENON NI ANGKA RASUL 16:13

Hatiha Ari Sabat kehe ma hami tu topi ni batang aek na di ruar ni horbangan ni kota i, angke disi do ninna rohanami inganan parsumbayangan ni halak Jahudi. Jadi hami pajuguk ma disi mangkata-hatai rap dohot angka dadaboru na dung marlagut hian disi.

BAENON NI ANGKA RASUL 3:12

Di na niida ni si Petrus halak na bahat i, didok ia ma tu halahi, “Hamu ale halak Israel, biasi pola homang rohamunu? Adong he ninna rohamunu hara ni na adong kuaso di hami sanga hara ni haburjuonnami gabe tarbaen bayo on mardalan?