LUKAS 4:15 - BIBEL JAMITA NA DENGGAN

¹⁵ Mangajari do Ia di angka bagas paribadatan jana sude do halak mamuji Ia.

LUKAS 4:15 Iomraidhean Croise

JESAYA 55:5

Satutuna, pioonmu ma angka bangso na so nitandamu, jana bangso na so tumanda ho marlojong mandapotkon ho, hara ni Tuhan, Debatamu, jana hara ni na Sun Badia Debata ni Israel, na pasangapkon ho.”

MATEUS 13:54

Mulak ma Ia tu huta hagodanganNia. Jadi kehe ma Ia mangajari di bagas paribadatan na disi. Homang-homang ma sude halak na manangihon i, hara ni tabona. Didok halahi ma, “Sian dia do dapot Ia hamaloon na songon i? Dung i sian dia do dapot Ia hagogoonNia mambaen angka hahomangan i?

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

MATEUS 9:35

Songon i ma Jesus mardalani sian kota na sada tu kota na asing, sian huta na sada tu huta na asing. Mangajari ma Ia di angka bagas paribadatan. Dibaritahon Ia ma Jamita Na Denggan taringot tu Harajaan Ni Debata. Dipamalum Ia ma ragam-ragam ni nyae dohot sitaonon ni halak na mardangol.

MATEUS 9:8

Jadi mabiar ma halak na midaan i, gabe dipuji halahi ma Debata hara ni kuaso na songon i godang, na dung dilehen Debata di jolma.

MARKUS 1:27

Homang ma roha ni halahi sude jabat marsipandohonan halahi sama halahi, “Aha dehe na masa on? Pangajaran na imbaru do on! Marsahala do Ia jana margogo paorot angka tondi na jahat, jana mangoloi do tuSia!”

MARKUS 1:39

Gabe diebati Jesus ma sude Galilea. Dipararat Ia ma Jamita Na Denggan i di angka bagas paribadatan jana mangusir angka begu.

MARKUS 1:45

Jadi kehe ma bayo i. Tapi dipupu ia ma na paboa-boahon barita i tu jae tu julu, gabe nada tarbaen Jesus be torang masuk tu kota i. Di balian noma Ia di inganan na lungun-lungun i. Tapi haru songon i pe, laing marroan do halak mandapotkon Ia sanga na sian dia i.

LUKAS 13:10

Di sada hatiha mangajari ma Jesus di bagasan Sinagoge, topet di Ari Sabat.

LUKAS 4:16

Dung i kehe ma Jesus tu Nasaret kota hagodanganNia. Hatiha Ari Sabat songon na somal dohot ma Ia tu bagas paribadatan. Hatiha jongjong Ia laho mamasa Buku Na Badia i,