LUKAS 3:17 - BIBEL JAMITA NA DENGGAN

¹⁷ Madung rade Ia mamiari, laho paiaskon eme sian lapung. PalagutonNia ma eme tu talobat, tapi anggo lapungNa i tutungonNia ma tu api na so ra mintop!”

LUKAS 3:17 Iomraidhean Croise

MASMUR 1:4

Tapi suhar-suhar ni i do anggo halak parjahat; songon guapak na niombuskon ni haba-haba do.

JESAYA 30:24

Lombu jantan dohot halode na mambajak ladangmunu panganonna ma jampalan na lumomak, na nipasingkop tusi.

JEREMIA 15:7

Hupiari ma halahi dohot anduri di sude inganan di luat on. BaenonKu ma bangsongKu agoan anak, jana pangabisonKu halahi, harana inda maruba halahi sian pangalahona.

MIKA 4:12

Tapi na so diboto ni angka bangso i do sanga aha na di bagasan sangkap ni Tuhan. Sian na so pamotoan ni halahi, na dipalagut do halahi anso diuhum, tudos tu gandum na dilunggukkon anso didege.

MATEUS 13:30

Padiar ma songon i rap tubu simareme-eme i dohot eme i lopus tu sabion on. Anggo disi saulahon hudokkon pe tu angka na manyabi i, palagut hamu ma sude duhut-duhut. Rahuti hamu anso nitutungan. Dung i palagut hamu ma eme i anso nipasimpan tu talobat.’ ”

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

LUKAS 3:18

Songon i ma marragam-ragam dalanna dibaen si Johannes paingotkon angka halak, di na nijamitahonnia Jamita Na Denggan na sian Debata tu halahi.