LUKAS 24:52 - BIBEL JAMITA NA DENGGAN

⁵² Dung i tungkap ma halahi marsomba tuSia, lalu mulak ma halahi tu Jerusalem mardongan jop ni roha situtu.

LUKAS 24:52 Iomraidhean Croise

MASMUR 30:11

Dipauba Ho hadangolanku gabe tortor siriaon digonti Ho hamarsahanku dohot hamogaon.

MATEUS 28:17

Dung i diida halahi ma Jesus disi, tungkap ma halahi manyomba Ia. Tapi adong dope deba sian halahi na ganggu dope rohana.

MATEUS 28:9

Jadi ompot ma ro Jesus mandapotkon dadaboru i. Didok ma tu halahi, “Horas ma di hamu!” Dipadonok halahi ma tuSia, dihaol halahi ma patna i. Disomba halahi ma Ia!

LUKAS 24:51

Jadi taran na mamasumasu Ia tu halahi, marsirang ma Ia sian halahi, manaek ma Ia tu banua ginjang.

LUKAS 24:53

Jadi tongtong ma halahi di Bagas Ni Debata dipuji-puji halahi ma Debata disi.

JOHANNES 14:28

Ma dibege hamu Hudok, ‘Kehe ma Au, tapi ro do Au mandapotkon hamu mangulahi’. Anggo na holong do rohamunu tu Au, jop do rohamunu di na kehe Au tu Ama i, angke gumodang do Ama i sian Au.

JOHANNES 16:22

Laing songon i ma hamu: Susa ma rohamunu saonnari, tapi marsuo dope Au dohot hamu, gabe jop ma rohamunu; jana nada tarbuat sanga ise hajopjop ni roha i sian hamu.

JOHANNES 16:7

Torus torang ma Hupaboa tu hamu: Maruntungan do hamu muda kehe Au; harana anggo so kehe Au, nada tulus ro Pangurupi i tu hamu. Tapi muda kehe Au, suruhononKu ma Ia ro tu hamu.

JOHANNES 20:28

Dung i ninna si Tomas ma tu Jesus, “O Tuhanku! Debatangku!”

BAENON NI ANGKA RASUL 1:12

Dung i mulak ma angka rasul i tu Jerusalem sian Dolok Zetun. Na donok do dolok i tu Jerusalem, hira-hira sakilometer daona.

1 PETRUS 1:8

Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.