LUKAS 24:49 - BIBEL JAMITA NA DENGGAN

⁴⁹ Au sandiri pe tongosonKu do tu hamu sanga aha na dung dijanjihon ni Damang. Tapi angkon laing painteonmunu do di kota on lopus nisolukkon tu hamu hagogoan na sian ginjang i.”

LUKAS 24:49 Iomraidhean Croise

JESAYA 32:15

Dilehen do tu hita Tondi sian ginjang. Jadi gabe napu ma tano na harsang jana angka ladang pe mangalehen suhana marlompit ganda.

JOHANNES 14:26

Tapi Tondi Parbadia i ma na mangajarkon sasudena i tu hamu. Ia do Pangurupi na giot suruhonon ni Ama i markite-hite goarKu. Pangurupi i ma paingotkon tu hamu sasudena na dung Hupaboa i tu hamu.

JOHANNES 15:26

Jadi ro ma Pangurupi na sian Ama i, na giot suruonKu tu hamu, i ma Tondi ni hasintongan na ro sian Ama i. Ia do na manyaksihon taringot tu Au.

BAENON NI ANGKA RASUL 1:4

Jadi di na marlagut Ia rap dohot halahi ditonahon Ia ma tu halahi songon on, “Ulang morot hamu sian Jerusalem. Painte hamu ma disi lopus dilehen Damang sanga aha na nijanjihonNia i, i ma na dung Hupaboa hian tu hamu na salpu i.

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

BAENON NI ANGKA RASUL 16:7

Dung lalu halahi di parbalohan ni Misia dirohahon halahi ma anso masuk nian tu Bitinia, hape dilarang Tondi Ni Jesus do halahi tusi.