LUKAS 24:36 - BIBEL JAMITA NA DENGGAN

³⁶ Jadi taran na mangkobari i dope sudena halahi, ompot ma jongjong Jesus di tonga-tonga ni halahi, “Dame ma di hamu!” ning Ia.

LUKAS 24:36 Iomraidhean Croise

JESAYA 57:18

Madung Huida pangalaho ni halahi, tapi laing pamalumonKu jana toguonKu do ia jana paulahonKu markite pangapoion; dohot bibir ni halak na marsak roha.

MATEUS 10:13

Muda dijagit halak na di bagas i do hamu, lohot ma tu halahi hata horas-horasmunu i, tapi muda nada tumbuk mulak ma tu hamu hata horas-horasmunu i.

MARKUS 16:14

Ujungna dipataridahon Jesus ma diriNia tu angka siseanNia na sabolas halak i, hatiha mangan halahi. Digorahon Ia ma halahi hara ni na so pos i roha ni halahi dohot hara ni na so ra i halahi porsaya di na nidok ni angka na dung tangkas midaan, na tutu do Jesus mangolu.

LUKAS 10:5

Muda masuk hamu tu sada bagas manigor dokkononmunu ma, ‘Hasonangan ma di bagas on.’

JOHANNES 14:27

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

JOHANNES 20:26

Dung salapan ari, marlagut ma mangulahi angka sisean ni Jesus di bagas i, dohot ma si Tomas disi. Margoruk do sude pintu ni bagas i. Tapi ro ma Jesus jongjong di tonga-tonga ni halahi, ning Ia ma, “Hasonangan ma di hamu!”

BAENON NI ANGKA RASUL 1:3

Dung mate Ia, adong do opat pulu ari honokna sai marpupu dipatidahon Ia diriNia tangkas di angka rasul i paboa na tutu do Ia mangolu. Diida halahi do Ia tangkas jana dihatahon Ia do tu halahi taringot tu Harajaan Ni Debata.

1 KORINTUS 15:5

Jadi dipataridahon Ia ma diriNa tu si Kepas, dohot tu siseanNia na dua bolas i.

1 KORINTUS 15:7

Dung i dipatidahon Kristus i muse dope Ia tu si Jakobus, jana tu sudena angka rasul i.

2 TESSALONIKA 3:16

Tuhan i do haroroan ni hasonanganta. Sai tongtong ma dilehen Ia hasonangan di hamu markite-hite dalan na marragam. Sai didongani Tuhan ma hamu sudena.

HALUMBAAN 1:4

Sian si Johannes tu parlagutan na pitu i, na di tano Asia. Asi ni roha ma di hamu dohot hasonangan sian Ia, na adong saonnari, na dung adong hian, jana na giot ro, dohot sian tondi na pitu i, na di jolo ni habangsaNia,