LUKAS 24:30 - BIBEL JAMITA NA DENGGAN

³⁰ Dung juguk halahi rap mangan, dibuat Jesus ma roti jana didok Ia ma tarimakasi tu Debata, dung i dibola-bola Ia ma roti i dohot tanganNia, dilehen Ia ma tu halahi.

LUKAS 24:30 Iomraidhean Croise

MATEUS 14:19

Dung i disuruhon Ia ma halak na bahat i marjuguhan di duhut-duhut i. Dung i dibuat Ia ma roti na lima i dohot ihan na dua i. Manatap ma Ia adop langit, mandok tarimakasi tu Debata. Dipasupasu Ia ma roti i, dung i dilehen Ia ma tu anak siseanNia i anso dibagi-bagihon tu halak na bahat i.

MATEUS 15:36

Dung i dibuat Ia ma roti na pitu i dohot ihan i. Didok Ia tarimakasi, diponggoli Ia ma roti i dohot ihan i, dileheni Ia ma tu angka anak siseanNia i. Dibagi-bagihon halahi ma tu halak na bahat i.

MATEUS 26:26

Hatiha na mangan i halahi dibuat Jesus ma roti. Dipasahat Ia ma tangiang mandok tarimakasi. Dung i dilehen Ia ma roti i tu angka anak siseanNia i, didok Ia ma dohot hataNa, “Jagit, jana pangan hamu ma, on ma pamatangKu.”

MARKUS 14:22

Jadi hatiha na mangan i halahi, dibuat Jesus ma roti, didok Ia ma tarimakasi tu Debata. Diponggoli Ia ma roti i, dung i dilehen Ia ma tu angka siseanNia i, didok Ia hataNa, “Pangan hamu ma, on ma pamatangKu.”

MARKUS 6:41

Dung i dibuat Jesus ma roti na lima i dohot ihan na dua i. Mandorgak ma Ia adop langit mandok tarimakasi tu Debata. Dung i diponggoli Ia ma roti i diparleheni Ia ma tu angka anak siseanNia i anso dibagi-bagi tu halak na bahat i. Dohot ihan na dua i pe dibagi-bagi Ia muse ma di halahi sude.

MARKUS 8:6

Dung i disuru Jesus ma halak na bahat i anso marjuguhan di tano i. Dibuat Ia ma roti na pitu i didok Ia ma tarimakasi tu Debata. Dung i diponggoli Ia ma roti na pitu i anso diparbagihon tu angka halak i. Dioloi anak siseanNia i ma songon i.

LUKAS 22:19

Dung i dibuat Jesus ma roti. Dung didokkon Ia tarimakasi tu Debata, dibola-bola Ia ma roti i, dung i diparleheni Ia ma tu halahi jana didok Ia ma, “On ma pamatangKu, [na nilehen di hamu. Baen hamu ma songon i laho marningot Au.”

LUKAS 24:29

tapi diontang halahi ma Ia, “Rap ma hita jolo, borngin ne ma ari indon madung mamungka golap muse.” Dung i masuk ma Jesus laho marborngin disi rap dohot halahi.

LUKAS 24:35

Dung i dipatorang sisean ni Jesus na baru ro i ma pangalaman ni halahi di tonga dalan i jana lopus ditanda halahi Tuhan i dung dibola Ia roti i.

LUKAS 9:16

Dibuat Jesus ma roti na lima i dohot ihan na dua i, ditatap Ia ma tu langit jana didok Ia ma tarimakasi tu Debata. Dibolai Ia ma dohot tanganNia roti i, songon i dohot ihan i, dung i dilehen Ia ma tu angka siseanNia i anso dibagihon tu halak na bahat i.

JOHANNES 6:11

Dung i dibuat Jesus ma roti i, didok Ia ma tarimakasi tu Debata. Lalu diparbagi-bagihon Ia ma roti i tu halak na bahat i. Laing songon i ma dibaen Ia tu ihan i. Mangan ma sudena halahi sabutong-butongna.

BAENON NI ANGKA RASUL 2:42

Dihaburjuhon halahi do marsiajar sian angka rasul i jana sai tongtong ma halahi rap marlagut. Rap do halahi di na mamonggoli roti, dohot martangiang.

BAENON NI ANGKA RASUL 2:46

Ganop ari marlagut do halahi di Bagas Ni Debata; marmoga-moga jana martoruk ni roha, rap mamonggoli roti halahi di angka bagas ni halahi. Jana rap mangan ma halahi di bagasan jop ni roha dohot toruk ni roha;

BAENON NI ANGKA RASUL 27:35

Jadi dung didok si Paulus songon i dibuat ia ma roti, didok ia ma tarimakasi tu Tuhan di jolo ni halahi sude. Dung i dibagi-bagihon ia ma roti i, lalu dipangan ia.