LUKAS 24:26 - BIBEL JAMITA NA DENGGAN

²⁶ Na he angkon taonon ni Kristus i do sudena parkancitan i, laho masuk tu hamuliaanNia i?”

LUKAS 24:26 Iomraidhean Croise

PAMUNGKAAN 22:6

Dipaporsankon si Abraham ma soban i tu abara ni si Ishak, jana ia sandiri ma maroban piso dohot surpu panutung ni soban i. Di na udur i halahi mardalan,

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

LUKAS 24:46

Dung i didok Jesus ma tu halahi, “Na dung tarsurat hian do di Buku Na Badia i, angkon manaon parkancitan do Kristus i, jana mulak mangolu Ia sian hamatean di ari patoluhon.

LUKAS 24:7

Didok Ia, ‘Angkon dipasahat do Anak Ni Jolma i tu tangan ni angka pardosa lalu dipakuhon ma tu hayu parsilang, dung i mulak mangolu ma Ia mangulahi di ari patoluhon.’ ”

JOHANNES 2:22

Jadi dung mulak mangolu Jesus mangulahi sian na mate, tarsingot ma angka siseanNia i na dung unjung didok Ia songon i. Gabe porsaya ma halahi tu na tarsurat di Buku Na Badia i dohot tu pandohan na nidok ni Jesus.

JOHANNES 20:9

Lopus tu hatiha i laing na so diastui halahi dope na tarsurat di Buku Na Badia i, na angkon mulak mangolu Ia mangulahi sian hamatean.)

BAENON NI ANGKA RASUL 17:3

Dipatorang ia ma tu halahi jana dipatangkas ia markite-hite ayat ni Buku Na Badia i bahaso na porlu do manaon parkancitan Kristus na nijanjihon ni Debata i jana mulak mangolu sian hamatean. “Jesus na hupaboa i tu hamu, i ma da ibana Kristus i,” ning si Paulus.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

1 PETRUS 1:11

Ditangkasi halahi do sanga na bia dohot andigan hamamasa ni na nidok ni Tondi Ni Kristus i, na adong di bagasan halahi. Dipaboa Tondi i hian do hatiha i tu halahi taringot tu angka parkancitan na angkon taonon ni Kristus dohot taringot tu hagodanganNia na giot ro dung salpu parkancitanNia i.

1 PETRUS 1:3

Mandok tarimakasi ma hita tu Debata bope Ama ni Tuhanta Jesus Kristus! Hara ni denggan ni rohaNia, dibaen Ia do hita gabe jolma na imbaru na maruli arop ni roha na tongtong mangolu, angke madung dipangolu Kristus mangulahi sian hamatean.