LUKAS 24:25 - BIBEL JAMITA NA DENGGAN

²⁵ Dung i mandok hata ma Jesus tu halahi ning Ia, “Otona i hamu! Na maol ma hamu manghaporsayai na nidok ni angka panurirang i!

LUKAS 24:25 Iomraidhean Croise

MATEUS 26:24

Tutu nian, angkon kehe do Anak Ni Jolma i songon na dung tarsurat hian di Buku Na Badia i paboa na angkon mate Ia. Tapi marjaya ma halakna i na manghianat tu Anak Ni Jolma i! Sugari gumonan hian do indangkon sai jungada ia sorang!”

MARKUS 16:14

Ujungna dipataridahon Jesus ma diriNia tu angka siseanNia na sabolas halak i, hatiha mangan halahi. Digorahon Ia ma halahi hara ni na so pos i roha ni halahi dohot hara ni na so ra i halahi porsaya di na nidok ni angka na dung tangkas midaan, na tutu do Jesus mangolu.

MARKUS 7:18

Didok Jesus ma tu halahi, “Na sarupa do bodomunu hape dohot halak na asing i? Nada he diboto hamu sude na masuk sian duru tu bagasan ni sada-sada halak inda gabe pahodarkon halahi i?

MARKUS 9:19

Dung i didok Jesus ma tu halahi, “O hamu angka pomparan na so porsaya, angkon sadia honok nari Au rap dohot hamu? Intap ni andigan angkon sobar Au paida-ida hamu? Oban ma dakdanak i tuson!”

LUKAS 24:24

Jadi adong ma sanga na piga halak sian hami na kehe tu kuburan i, hape diida halahi tutu do hape sude na nidok ni angka dadaboru i, hum i tutu, anggo Jesus inda diida halahi.”

JOHANNES 5:39

Diparsiajari hamu do nian Buku Na Badia i angke dipikir hamu dapot hamu ma hangoluan na so mantak i muda dung diparsiajari hamu i. Jana Buku Na Badia i sandiri pe disaksihon i do taringot tu Au!

1 KORINTUS 15:3

Harana madung hupasahat tu hamu na umporlu, i ma sian na dung hujagit, na dung mate do Kristus hara ni angka dosanta mangihutkon na tarsurat di Buku Na Badia i.