LUKAS 24:19 - BIBEL JAMITA NA DENGGAN

¹⁹ “Aha na masa?” ninna Jesus. “I ma na masa tu Jesus halak Nasaret i,” ning halahi mangalusi. “I ma sada panurirang na markuaso situtu hataNa, dohot pambaenanNa pe margogo situtu – di jolo ni Debata dohot di jolo ni jolma pe.

LUKAS 24:19 Iomraidhean Croise

MATEUS 21:11

“On ma ibana panurirang Jesus na sian Nasaret na di Galilea,” ninna angka na mangudurkon Jesus.

MARKUS 1:24

“Na giot mambaen bia do Ho tu hami, o Jesus halak Nasaret? Betak na giot mamatehon hami do Ho? Hutanda do sanga ise Ho: Suruan na badia ni Debata do Ho!”

LUKAS 24:18

Maradian ma halahi marsak sajo idaon. Jadi marsapa ma sahalak sian halahi tu Jesus, i ma na margoar si Kleopas, ning ia ma, “Hum sasada hamu noma ulaning halak ro di Jerusalem on, na so umboto na masa i di na piga-piga ari on?”

LUKAS 7:16

Sude ma halak mabiar, dipuji halahi ma Debata. Ninna halahi, “Madung tarida sada panurirang na godang di tonga-tonganta! Madung ro Debata laho paluahon bangsoNia!”

JOHANNES 3:2

Di sada borngin ro ma ia mandapotkon Jesus jana didok ia ma, “Gurunami, hami boto do Guru na nisuruhon ni Debata ho. Angke nada adong halak na bisa mambaen angka hahomangan songon na nibaenMi, anggo so didongani Debata do ia.”

JOHANNES 4:19

“Saonnari pe anso huboto, panurirang do hape Tuhan i,” ning anak boru i.

JOHANNES 6:14

Dung diida halak na bahat i hahomangan na nibaen ni Jesus i, ninna halahi ma, “On ma tutu panurirang na giot ro i tu tano on!”

JOHANNES 7:52

“Adong he na halak Galilea ho? Pareso jolo di Buku Na Badia i. Nada adong panurirang na ro sian Galilea!” [

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

BAENON NI ANGKA RASUL 2:22

“Hamu angka halak Israel, tangihon hamu ma hata on: Na humaksud i ma Jesus na sian Nasaret, na dung ditontuhon ni Debata markite-hite hagogoan dohot hahomangan dohot tanda na binaen ni Debata markite-hite Ia di tonga-tongamunu, songon na dung tangkas diboto hamu.

BAENON NI ANGKA RASUL 7:22

Sudena parbinotoan ni halak Mesir diajarkon do tusia jana gabe halak na marsahala situtu do ia muda mandok hata dohot mambaen sanga na aha.

PANGARATAION 18:15

Tapi suruonNia ma tu hamu sian bangsomunu sandiri sada halak panurirang songon au on jana angkon oloanmunu do panurirang i.