LUKAS 23:34 - BIBEL JAMITA NA DENGGAN

³⁴ Dung i martangiang ma Jesus, “Ale Amang, sesa ma hasalaan ni halahi! Angke nada diboto halahi sanga aha na nibaen ni halahi.”

LUKAS 23:34 Iomraidhean Croise

PAMUNGKAAN 50:17

didok ia do tu hami anso hami dok tu ho songon on, ‘Ampuni ma hasalaan ni angka angkangmi di na nibaen ni halahi na jahat tu ho.’ Antong, saonnari pe sesa ma dosanami i, hami angka naposo ni Debata na nipasomba-somba ni amanta hamu i.” Tangis do si Josep di na nijagitnia tona ni amangna i.

MASMUR 22:18

Dibagi-bagi halahi do pakeanku, jana mardadu halahi hara ni baju jubangku.

JESAYA 53:12

Hara ni i lehenonKu ma tusia angka na sangap songon rampasan dohot angka na togos songon tabanan, i ma gonti ni na dung dilehen ia hosana tu hamatean dohot hara ni na dietong ia parjahat, haru pe ia do mananggung dosa ni halak na bahat, jana martangiang tu parjahat i.

MATEUS 11:25

Jadi didok Jesus ma hatiha i, “Ale, Amang, Tuhan ni langit dohot tano! Tarimakasi ma Hudok tu Ho dibaen dibunihon Ho do i sude di halak na malo dohot na pistar. Hum tu halak na so pola pistar do dipatidahon Ho i.

MATEUS 11:26

Olo, Amang, dibaen na songon i do hagiot ni rohaMu.”

MATEUS 5:44

Tapi saonnari Au mandok di hamu: Haholongi ma alomu jana tangiangkon ma halak na mamparkanciti ho,

MARKUS 15:24

Ujungna diparsilangkon halahi ma Ia. Dibagi-bagi halahi ma pakeanNa i. Diundi halahi ma laho manontuhon sanga na dia bagianna be.

LUKAS 22:42

didok Ia ma, “Ale Amang, sugari ra ma Ho, pasalpu ma panginuman sitaonon on sian Au; tapi nada anggo hagiotKu na tulus, hagiotMu ma patulus!” [

JOHANNES 17:9

Hara ni halahi do umbaen na martangiang Au. Nada Hutangiangkon anggo portibi on; hum tu angka jolma na nipasahat ni Damang i tu Au do na Hutangiangkon; harana Damang do nampuna halahi.

JOHANNES 19:11

Dialusi Jesus ma, “Anggo na so dilehen Debata do kuaso di ho, nada adong kuasomu tu Au. Hara ni i gumodang do dosa ni na pasahatkon Au tu ho ulang pado ho.”

BAENON NI ANGKA RASUL 16:28

Hape marsurak ma si Paulus sagogonia, “Ulang hahua dirimu! Dison do hami sudena!” ning ia.

BAENON NI ANGKA RASUL 3:17

Hamu ale angka dongan! Saonnari madung huboto hara ni na so diboto hamunu do umbaen na dibaen hamu songon i, laing songon i ma nang angka pamimpinmunu.

BAENON NI ANGKA RASUL 7:60

Marsinggang ma ia, dipagogo ia ma sorania mandok, “Ulang ma dijujur dosa on tu halahi, ale Tuhan!” ning ia. Dung didok ia songon i, marujung ma ngolunia. Si Saulus pe moga ma dihilala ia hara ni na mamunu jolma i.

SURAT NI SI PAULUS TU PARLAGUTAN ROM 12:14

Pasupasu hamu ma sanga ise na mamparkanciti hamu, pasupasu hamu ma jana ulang burai hamu.

1 KORINTUS 2:8

Sahalak pe nada adong umboto sangkap na nibaen ni Debata i. Angke sugari na dung diboto halahi i, nada jabat parsilangkonon ni halahi Tuhan na sumangap i.

1 KORINTUS 4:12

angkon loja do hami markarejo anso adong panganonnami. Muda diburai hami, pasupasu do hami baen balosna; muda diloncingi hami, sobar do hami;

1 TIMOTEUS 1:13

Najolo, madung hupalayas Ia, huparkanciti jana hupabile. Tapi haru songon i pe asi do roha ni Debata mida au, angke nada porsaya dope au hatiha i, gabe nada huboto sanga aha na hubaen i.

1 PETRUS 3:9

Ulang ma baloskon hamu hajahatan alo ni hajahatan, sanga hata na panyaor-nyaorkon; tapi pasupasu ma pangidohon hamu balos ni i sian Debata tu halahi. Angke anso manjagit pasupasu do hamu umbaen na nipiohon ni Debata hamu.