LUKAS 23:26 - BIBEL JAMITA NA DENGGAN

²⁶ Dung i dioban ma Jesus tu balian. Di tonga dalan marsuo ma halahi dohot sada halak na margoar si Simon, na marasal sian Kirene na topet laho tu kota. Ditangkup halahi ma ia jana dipaksa ma mamorsan hayu parsilang i dipudi ni Jesus.

LUKAS 23:26 Iomraidhean Croise

MATEUS 5:41

Muda adong halak na mamaksa hamu mardalan mandongani ia sakilometer daona, dongani ma ia mardalan dua kilometer.

LUKAS 14:27

Barang ise na so mamorsan hayu parsilangna jana mangihutkon Au nada tarbaensa gabe anak siseanKu.

LUKAS 23:25

Jana dipalua si Latus ma bayo na nipangido ni halahi i, i ma bayo na tarhurung hara ni na mambaen gaor dohot hara ni na mamunu. Dung i dipasahat si Latus ma Jesus tu halahi anso dibaen halahi roha-rohana tuSia.

LUKAS 9:23

Dung i mandok hata ma Jesus tu halak na bahat i, ning Ia ma, “Sanga ise na giot mangihutkon Au, angkon porsoonnia do dirina, angkon porsanonnia ma hayu parsilangnia ganop ari, jana torus mangihutkon Au.

BAENON NI ANGKA RASUL 13:1

Adong do angka panurirang dohot angka guru di parlagutan na di Antiokia. I ma angka si Barnabas, si Simeon na nigoaran muse si Niger (astuanna ‘Si Lomlom’), si Lukius halak Kirene, si Menahem, bayo na dipagodang-godang rap dohot Gubernur Herodes dohot si Saulus.

BAENON NI ANGKA RASUL 2:10

halak Prigia dohot halak Pamfilia, halak Mesir dohot halak na sian Luat Libia na di lambung Kirene; adong muse do hita on halak Rom,

BAENON NI ANGKA RASUL 6:6

Dung i dipajongjong ma halahi di jolo ni angka rasul i, dung i martangiang ma angka rasul i jana diampehon ma tanganna tu halahi.

BAENON NI ANGKA RASUL 6:9

Tapi laing adong do halak Jahudi na mangalo hatania: I ma angka anggota ni bagas paribadatan na margoar Libertini, tarmasuk ma i angka halak sian Kirene dohot sian Aleksandria. Marsoal-soal ma halahi dohot halak Jahudi na sian Kilikia dohot Asia taringot tu si Stefanus,