LUKAS 23:25 - BIBEL JAMITA NA DENGGAN

²⁵ Jana dipalua si Latus ma bayo na nipangido ni halahi i, i ma bayo na tarhurung hara ni na mambaen gaor dohot hara ni na mamunu. Dung i dipasahat si Latus ma Jesus tu halahi anso dibaen halahi roha-rohana tuSia.

LUKAS 23:25 Iomraidhean Croise

ESTER 3:11

Didok raja i ma tusia, “Hupasahat ma tu ho bangso i dohot hepengna i. Pambaeni ma sanga na aha giotmu tu halahi.”

MATEUS 27:26

Gabe dipalua si Latus ma si Barabbas di halahi. Dipaloncingkon ia ma Jesus, dipasahat ia ma anso niparsilangkon!

MARKUS 15:15

Gabe dipalua si Latus ma si Barabbas di halahi laho pasonangkon roha ni halahi. Dung i disuru ia ma halak mangaloncing Jesus, dipasahat ia ma anso diparsilangkon.

LUKAS 23:2

Dipungka halahi ma disi mangaduhon Ia. Didok halahi ma, “Madung tardapot hami bayo on palilu-liluhon halak. Jana diirangi-irangi Ia do halak anso ulang manggarar pajak tu Kesar; harana pandokNia, Kristus do Ia, sada halak Raja.”

LUKAS 23:24

Jadi didabuhon si Latus ma uhum mate tu Jesus hombar tu na nipangido ni halahi i.

LUKAS 23:26

Dung i dioban ma Jesus tu balian. Di tonga dalan marsuo ma halahi dohot sada halak na margoar si Simon, na marasal sian Kirene na topet laho tu kota. Ditangkup halahi ma ia jana dipaksa ma mamorsan hayu parsilang i dipudi ni Jesus.

LUKAS 23:5

Tapi laing disosak halahi ma. Ninna halahi, “Sian pangajaranNia i, digaori Ia halak na di Judea sude, mula-mula di Galilea do, hape saonnari madung lalu muse tuson.”

JOHANNES 18:40

Dialusi halahi ma marsurak-surak, “Nada! Indangkon sai palua i! Si Barabbas ma palua!” Panyamun do si Barabbas on.

JOHANNES 19:16

Dung i dipasahat si Latus ma Jesus tu halahi anso dipakuhon tu hayu parsilang i. Dijagit halahi ma Jesus jana dioban halahi.

BAENON NI ANGKA RASUL 3:14

Ditulak hamunu do Na Badia jana Na Tigor i, jana dipangido hamunu do anso dipalua sibunu jolma i.

1 SAMUEL 12:13

“Saonnari ligi hamu ma, on ma ibana raja na nipilimunu i. Na nipangidomunu do i, jana madung dilehen Tuhan di hamu.