LUKAS 23:2 - BIBEL JAMITA NA DENGGAN

² Dipungka halahi ma disi mangaduhon Ia. Didok halahi ma, “Madung tardapot hami bayo on palilu-liluhon halak. Jana diirangi-irangi Ia do halak anso ulang manggarar pajak tu Kesar; harana pandokNia, Kristus do Ia, sada halak Raja.”

LUKAS 23:2 Iomraidhean Croise

1 RAJA-RAJA 18:17

Dung diligi si Ahab si Elia, didok ma tu ibana: “Ho dehe na manggaori Israel?”

MASMUR 35:11

Marsaksi do halak na jahat manudu au, salaho tu parkaro na so hupaboto-boto.

MASMUR 62:4

Hum na giot mandabuhon ia do halahi sian pangkatna na timbo; jop do roha ni halahi margabus; markite-hite pamangan halahi mamasumasu, tapi mamurai do halahi di bagasan roha.

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

JEREMIA 38:4

Jadi kehe ma angka pagawe i mandapotkon raja i jana didok halahi ma, “Angkon mate niuhuman do bayo on. Angke hara ni na nidoknia songon i, gabe gale do roha ni angka parajurit dohot halak na asing na adong dope di kota on. Nada diurupi ia rayat i, tapi diago ia do.”

AMOS 7:10

Ditongos si Amasia malim na di Betel ma lapuran tu si Jerobeam raja ni Israel songon on, “Martahi do si Amos dohot rayat i laho mambaen paraloan tu raja i. Manjajang-jajang rayat do hatania gabe mambaen sego luat on.

ZAKARIA 11:8

Jadi huabiskon ma parmahan na tolu i di bagasan sabulan, harana goyak do rohangku tu angka biri-biri i jana halahi pe goyak do rohana tu au.

MATEUS 17:27

Tapi anso ulang pola gabe batu partuktuhan di halahi, kehe ma ho jolo mangkail tu dano. Buat ma ihan na parjolo dapot i. Dapot ho ma di baba ni ihan i hepeng satuk ni panggarar ni pajak sian hita na dua. Buat ma hepeng i, gararkon ma tu halahi. I ma pajak sian hita tu Bagas Ni Debata.”

MATEUS 22:21

“Kesar i,” ning halahi mangalusi. Dung i didok Jesus ma tu halahi, “Antong garari hamu ma tu Kesar i sanga aha nampuna ni Kesar i, jana garar muse ma tu Debata sanga aha nampuna ni Debata.”

MATEUS 27:11

Jongjong ma Jesus di adopan ni si Latus, gubernur ni luat i. Disapai si Latus ma, “Raja ni halak Jahudi dehe Ho?” “Olo, tutu ma songon na nidokmi,” ninna Jesus mangalusi.

MARKUS 12:17

“Antong anggo songon i do, pasahat hamu ma mangulahi tu Kesar sanga aha nampuna ni Kesar i. Laing pasahat hamu ma mangulahi tu Debata sanga aha nampuna ni Debata!” Jadi homang ma roha ni halahi umbege Ia.

MARKUS 15:2

Disapai si Latus ma Jesus, “Tutu do Ho Raja ni halak Jahudi?” ning ia. “Olo, tutu do songon na nidokmi,” ninna Jesus mangalusi.

LUKAS 23:14

Dung i mandok hata ma ia tu halahi, “Madung dioban hamu Bayo on tu jolongku, jana didok hamu Ia paliluhon halak. Saonnari di jolomunu madung hupareso Ia, hape sada pe nada adong dapot hajahatan bagi aha pe na nituhaskonmunu i tuSia.

LUKAS 23:5

Tapi laing disosak halahi ma. Ninna halahi, “Sian pangajaranNia i, digaori Ia halak na di Judea sude, mula-mula di Galilea do, hape saonnari madung lalu muse tuson.”

JOHANNES 18:29

Jadi si Latus do haruar mandapotkon halahi laho manyapai, “Aha do pangaduanmunu taringot tu bayo on?” ning ia.

JOHANNES 18:30

Dialusi halahi ma, “Nada pola hami oban Ia tu Gubernur i anggo hara ni na so marsala.”

JOHANNES 19:12

Dung dibege si Latus na songon i mur diakalkon ia ma palua Jesus. Tapi marsurak-surak ma halak Jahudi i, “Muda dipalua tuan i do i, na so dongan ni Kesar do tuan i! Sanga ise na mandok diriNa raja, alo ni Kesar do i!”

BAENON NI ANGKA RASUL 24:13

Nada tarbuktihon halahi muse angka adu-aduan ni halahi tu tuan i salaho tu au.

BAENON NI ANGKA RASUL 24:5

Na tardapot hami do bayo on mambaen gaor. Sanga na di dia tongtong manggaori ia tu halak Jahudi, jana ia do pamimpin ni golongan Nasrani.

SURAT NI SI PAULUS TU PARLAGUTAN ROM 13:7

Garari hamu ma tu sude halak sanga aha na patut sigararonmunu: Garar hamu ma pajak di na patut manggarar pajak hamu, garari hamu bea di na patut manggarar bea. Habiari hamu ma na patut sihabiaran jana parsangapi hamu ma na patut sipasangapon.