LUKAS 22:61 - BIBEL JAMITA NA DENGGAN

⁶¹ Jesus pe humusor ma, manaili ma Ia tu si Petrus. Dung i tarsingot ma si Petrus hata na nidok ni Tuhan i tusia, “Painte so martahuak manuk di ari on, ma pola tolu noli ho mamorso Au.”

LUKAS 22:61 Iomraidhean Croise

JOB 33:27

Jadi mandok hata ma ia di jolo ni halak na bahat, ‘Denggan do huetong na jahat, pardosa godang do anggo iba hape nada diuhumi Debata anggo iba.

JEHESKIEL 16:63

SesaonKu ma sude hasalaanmu, tapi nada tarhalupahon ho i jana ila ma rohamu laho mandok sanga na aha. Au Tuhan Debata madung mandok songon i.”

HOSEA 11:8

Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

MATEUS 26:34

Dung i ninna Jesus ma tusia, “Tangihon jolo: Borngin on taran so martahuak manuk dope, ma tolu noli dokkononmu na so ditanda ho Au.”

MATEUS 26:75

Jana taringot ma tu roha ni si Petrus hata ni Jesus tusia, “Dompak so martahuak manuk, madung diporso ho Au tolu noli.” Kehe ma si Petrus tu balian tangis panguncombopon.

MARKUS 5:30

Laing di hatiha i taraso ma di Jesus, adong gogo na haruar sian pamatangNia. Manaili ma Ia di tonga-tonga ni halak na bahat i manyapai, “Ise nangkin manjama pakeanKu?”

LUKAS 10:41

Dialusi Tuhan i ma, “O Marta, Marta! Mabahattu do dipasari-sari rohamu jana sude dihasusahon ho.

LUKAS 22:34

Tapi didok Jesus ma, “Au ma mandok di ho Petrus, dompak so martahuak dope manuk sadari on, tolu noli ma dokkononmu, na so ditanda ho Au.”

LUKAS 22:60

Tapi dialusi si Petrus ma, “Nada huastui sanga aha na nidokmi!” Laing di hatiha i, di na mandok hata i dope si Petrus martahuak ma manuk.

LUKAS 22:62

Jadi haruar ma si Petrus sian i, jana tangis panguncombopon.

LUKAS 7:13

Dung diida Jesus anak boru i, gabe ibo ma rohaNia midasa ning Ia ma, “Ulang be sai tangis ho inang!”

LUKAS 7:19

disuru ia ma halahi kehe mandapotkon Tuhan Jesus laho manyapai, “Ho do ulaning na giot ro i sanga adong dope halak na asing sipainteonnami?”

JOHANNES 13:38

Dialusi Jesus ma, “Tutu ma he na ra ho mate humopkop Au? Tutu do na Hudok on tu ho: Painte so martahuak manuk, ma pola tolu noli diporso ho Au!”

BAENON NI ANGKA RASUL 5:31

Jana madung dipabangkit Debata Ia markite tangan siamunNia gabe Pamimpin dohot Sipalua; anso marhamubaan ni roha dohot manjagit hasesaan ni dosa Israel i.

EPESUS 2:11

Ingot hamu ma sanga na bia hamu najolo: “Angka na so marsunat” do hamu didok halak Jahudi na mandok dirina angka na marsunat (na nidokna, i ma na dung maruli tanda na nibaen ni jolma di pamatang ni halahi).

HALUMBAAN 2:5

Hara ni i, ingot hamu ma sanga na dung sadia dao hamu madabu. Pauba hamu ma rohamunu, dung i ulahi hamu ma patuluskon pambaenanmunu na di mulana i. Anggo inda, ro ma Au jana umpatonKu ma parlampuanmunu i sian jongjonganna i – muda nada muba rohamunu.