LUKAS 22:53 - BIBEL JAMITA NA DENGGAN

⁵³ Ganop ari do Au rap dohot hamu di Bagas Ni Debata, hape so ditangkup hamu Au. Tapi on ma lakna hatihana di hamu mambaen sibaenonmunu, jana hatihana ma kuaso hagolapan i mambaen hatontuan.”

LUKAS 22:53 Iomraidhean Croise

JOB 20:5

hamogaan ni parjahat parsantongkinan do da, jana hasonangan ni na so ture hum sangkinidop mata?

MATEUS 21:23

Dung i mangulahi ma Jesus tu Bagas Ni Debata. Masuk ma Ia mangajari disi. Jadi hatiha na mangajar i Ia, marroan ma angka kapala-kapala ni malim dohot angka na tobang-tobang ni halak Jahudi manyapai tuSia, “Marhite kuaso dia do dipambaeni Ho sudena on? Ise do na mangalehen kuaso i tu Ho?”

LUKAS 22:52

Dung i mandok hata ma Jesus tu angka kapala ni malim i dohot tu angka panjago Bagas Ni Debata, dohot tu angka bagian hatobangon ni halak Jahudi na marroan tusi laho manangkup Ia, ning Ia ma, “Panyamun dehe lakna Au umbaen marpodang dohot marumban-umban hamu ro laho manangkup Au?

LUKAS 22:54

Ditangkup halahi ma Jesus jana dioban ma tu bagas ni Malim Godang. Dipaihut-ihut si Petrus ma sian na dao.

JOHANNES 12:27

“Songon na marsak do rohangKu saonnari. Aha do na giot sidohononKu? DohononKu do, ‘O Amang ulang ma padiar Au mamolus partinaonan on!’ Hape nian laho manaon partinaonan on do umbaen na ro Au.

JOHANNES 13:30

Dung dijagit si Judas roti i, manigor haruar ma ia. Madung borngin hatiha i.

JOHANNES 14:30

Nada pola bahat be Au mandok hata tu hamu angke madung ro raja ni portibi on. Tapi nada markuaso i tu Au.

JOHANNES 7:30

Jadi dirohahon halahi ma giot manangkup Ia, tapi inda adong na puluk manjama Ia, angke nada dapot dope hatihaNa.

JOHANNES 7:45

Dung i mulak ma angka panjago ni Bagas Ni Debata na nisuru manangkup Jesus, mandapotkon angka sintua ni malim dohot halak Parise. Disapai angka sintua ni malim dohot angka Parise i ma tu angka panjago i, “Biasi inda dioban hamu Ia tuson?”

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

EPESUS 6:12

Angke nada marporang hita mangalo jolma, tapi na laho mangalo gogo ni angka setan na markuaso di hatiha na jahat on do. Angka tondi na jahat na mangkuasoi awang-awang i do na taalo.

KOLOSSE 1:13

Madung dipalua Ia hita sian kuaso ni hagolapan jana dipaimbar Ia hita tu bagasan kuaso ni pangarajaion ni Anak haholonganNia i.