LUKAS 22:42 - BIBEL JAMITA NA DENGGAN

⁴² didok Ia ma, “Ale Amang, sugari ra ma Ho, pasalpu ma panginuman sitaonon on sian Au; tapi nada anggo hagiotKu na tulus, hagiotMu ma patulus!” [

LUKAS 22:42 Iomraidhean Croise

MASMUR 40:8

Jop rohangku patuluskon hagiotMu, ale Debata, tarsimpan do pangajaranMu di bagasan rohangku.”

JESAYA 51:17

Jonggor ma, jonggor ma, ngot ma, ale Jerusalem, ale ho na dung minum sian tangan ni Tuhan. Isi ni piala i ma milas ni murukNia, ho do na dung manginum, mandorguk abis isi ni mangkuk na palenongkon i.

JESAYA 51:22

Songon i ma pandok ni Tuhanmu, Debata na mangondihon hamu, “Mangulahi Hubuat sian hamu, mangkuk dohot isi na palenongkon, jana isi ni mangkuk hamilason ni murukKu, indangkon inumon munu be i.

JEREMIA 25:15

Didok Tuhan, Debata ni Israel ma tu au, “Buat ma galas ni anggur on na dung Hugohi dohot hamumurukKu. Oban ma i tu sude bangso sanga na tu dia ho Husuru. Suru inum ma anggur on tu halahi;

MATEUS 11:25

Jadi didok Jesus ma hatiha i, “Ale, Amang, Tuhan ni langit dohot tano! Tarimakasi ma Hudok tu Ho dibaen dibunihon Ho do i sude di halak na malo dohot na pistar. Hum tu halak na so pola pistar do dipatidahon Ho i.

MATEUS 11:26

Olo, Amang, dibaen na songon i do hagiot ni rohaMu.”

MATEUS 20:22

“Na so diboto hamu do na nipangidomunu,” ning Jesus tu halahi. “Tarinum hamu ma lakna panginuman na giot inumonKi?” “Tarinum hami do i,” ninna halahi.

MATEUS 26:39

Dung i kehe ma Jesus tar dumao saotik, tungkap ma Ia tu tano laho martangiang, “O Amang,” ning Ia, “Anggo tarbaen do, padao ma sian Au parkancitan na angkon jagitonKu. Tapi ulang ma hagiotKu na tulus, baen ma songon na dihagiotiMu.”

MATEUS 26:42

Jadi kehe ma Jesus padua-nolihon laho martangiang. Didok Ia ma, “Muda na angkon taononKu ma parkancitan on ale Amang jana nada tarbaen so taononKu, rohaMu ma na tulus.”

MATEUS 26:44

Jadi ditadingkon Jesus ma halahi sanoli nari. Kehe ma Ia martangiang patolu-nolihon. Sarupa do tangiangNia i dohot sinangkinan i.

MATEUS 6:10

ro ma HarajaanMu tulus ma rohaMu di tano on, songon di banua ginjang.

MARKUS 14:36

Didok Ia ma, “Abba, o Amang, inda adong na so tarpatupa Ho ale Amang. Buat ma parkancitan on sian Au. Tapi, ulang ma marguru tu lomo ni rohangKu tapi lomo ni rohaMu ma Amang.”

LUKAS 23:34

Dung i martangiang ma Jesus, “Ale Amang, sesa ma hasalaan ni halahi! Angke nada diboto halahi sanga aha na nibaen ni halahi.”

JOHANNES 18:11

Didok Jesus ma tu si Petrus, “Sarungkon ma podangmi, nada he angkon inumonKu do panginuman parkancitan na nilehen ni Damang i tu Au?”

JOHANNES 4:34

Dung i didok Jesus ma, “Anggo sipanganonKi, i ma na mangihutkon hagiot ni na marsuru Au, jana pasidungkon parkarejoan na nilehenNia sikarejohononKu.

JOHANNES 5:30

“Nada tarpatupa Au sanga aha pe anggo sian roha-rohangKu sandiri. Sanga aha na niparentahon ni Debata tu Au, hombar tusi do Au manontuhon uhuman. Hara ni i, adil do na Huputuskon i, angke nada na mambaen roha-rohangKu sandiri Au. Hagiot Ni Damang na marsuru Au, i sajo do na Huoloi.

JOHANNES 6:38

Angke umbaen na mijur pe Au sian banua ginjang, na giot patuluskon hagiot ni na marsuru Au do, nada hagiotKu sandiri.

BAENON NI ANGKA RASUL 21:14

Umpe ditangihon si Paulus na hami dokkon i, gabe sip noma hami. “Sai roha ni Tuhan i sajo ma na tulus,” ning hami noma.