LUKAS 22:4 - BIBEL JAMITA NA DENGGAN

⁴ Si Judas pe kehe ma martahi dohot angka panjago Bagas Ni Debata, sanga tarsongon dia baenonnia laho pasahatkon Jesus tu halahi.

LUKAS 22:4 Iomraidhean Croise

MATEUS 26:14

Dung i kehe ma sahalak sian anak sisean ni Jesus na dua bolas i, i ma na margoar si Judas Iskariot mandapotkon angka Sintua Ni Malim.

LUKAS 22:5

I noma jop ni roha ni halahi jana marjanji ma halahi laho mangalehen hepeng tusia.

LUKAS 22:52

Dung i mandok hata ma Jesus tu angka kapala ni malim i dohot tu angka panjago Bagas Ni Debata, dohot tu angka bagian hatobangon ni halak Jahudi na marroan tusi laho manangkup Ia, ning Ia ma, “Panyamun dehe lakna Au umbaen marpodang dohot marumban-umban hamu ro laho manangkup Au?

BAENON NI ANGKA RASUL 4:1

Taran mangkobari dope si Petrus dohot si Johannes tu halak na bahat i, ompot ma ro angka malim dohot kapala ni panjago ni Bagas Ni Debata dohot angka halak Saduse mandapotkon si Petrus dohot si Johannes.

BAENON NI ANGKA RASUL 5:24

Jadi dung dibege kapala ni panjago ni Bagas Ni Debata dohot angka kapala ni malim na nipaboa i tu halahi, puntol ma pikiran ni halahi hara ni angka rasul i boti mabiar betak sai adong na masa.

BAENON NI ANGKA RASUL 5:26

Dung i kehe ma kapala ni panjago ni Bagas Ni Debata rap dohot angka pangawalnia mangalap angka rasul i mangulahi. Tapi nada pola mangasahon gogo halahi angke mabiar do halahi mida halak na bahat, betak sai lalu halahi didanggur halak na bahat i dohot batu.