LUKAS 22:36 - BIBEL JAMITA NA DENGGAN

³⁶ “Tapi anggo saonnari, sanga ise na adong dompetna sanga huncangna, dioban ma; jana na so adong podangna, digadis ma baju jubana panobusi ni podang.

LUKAS 22:36 Iomraidhean Croise

MATEUS 10:10

Indangkon pola maroban kantongan hamu sanga abit duangkibung, sanga sipatu sanga tungkot. Harana, angkon mangan do halak na markarejo.

LUKAS 22:35

Dung i didok Jesus ma tu halahi, “Nabaruon dompak Husuru hamu na so Hupaloas do maroban dompet, huncang sanga sipatu, adong he bagi aha hurang di hamu?” “Nada adong na hurang,” ning halahi mangalusi.

LUKAS 22:37

Angke Au mandok di hamu! Angkon tulus muse dope tu Au hata na tarsurat di Buku Na Badia na mandok, ‘Etongon ma Ia songon sada halak parjahat.’ Angke sanga aha na tarsurat di Buku Na Badia i taringot tu Au, saonnari ma tarjadi.”

LUKAS 22:38

Ninna halahi ma, “Ligi ma jolo Tuhan, madung adong dison dua podang.” “Tuk ma i!” ning Jesus mangalusi.

JOHANNES 15:20

Ingot hamu ma hata na Hudok on tu hamu, ‘Nada gumodang naposo sian morana.’ Muda diparkanciti halahi Au, hamu pe laing parkancitan ni halahi muse do. Muda diihutkon halahi pangajaranKi, laing ihutkonon ni halahi muse ma angka pangajaranmunu.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

1 TESSALONIKA 3:4

Dompak rap hami dohot hamu, madung hami paboa hian di hamu na angkon taononta parkancitan. Jana madung tulus do i; hamu pe diboto hamu do i.

1 PETRUS 4:1

Dibaen madung manaon parkancitan Kristus mangihutkon parsibuhon, hamu pe angkon laing papironmunu do rohamunu dohot parngoluan na songon i. Angke sanga ise na manaon mangihutkon pangkilalaan parsibuhon, nada ra be i mambaen dosa.