LUKAS 22:32 - BIBEL JAMITA NA DENGGAN

³² Tapi madung martangiang Au hara ni ho Simon, anso ulang hambar haporsayaanmi. Jana muda dung mulak ho mangulahi tu Au, angkon patoguonmu do angka kahanggimu.”

LUKAS 22:32 Iomraidhean Croise

MATEUS 18:3

Sasintongna do na Hudok on tu hamu, “Muda so muba rohamunu jana mulak songon dakdanak on, nada tarbaen hamu masuk tu Harajaan Ni Banua Ginjang.

MATEUS 26:75

Jana taringot ma tu roha ni si Petrus hata ni Jesus tusia, “Dompak so martahuak manuk, madung diporso ho Au tolu noli.” Kehe ma si Petrus tu balian tangis panguncombopon.

MARKUS 14:72

Martahuak muse ma manuk disi paduanolihon. Diingot si Petrus muse ma na jungada didok Jesus tusia, “Dompak so martahuak manuk paduanolihon dope ma tolu noli didok ho, na so ditanda ho Au.” Dung i kehe ma si Petrus sian i tangis panguncombopon.

MARKUS 16:7

Jadi saonnari, kehe ma hamu paboahon barita on tu angka siseanNia i dohot tu si Petrus. Paboa hamu ma, ‘JoloananNia ma hamu tu Galilea. Disi ma idaonmunu Ia songon na dung dipaboaNia i hian.’ ”

LUKAS 8:13

Same na madabu tu tano na marbatu i, i ma manggambarkon angka halak na manangihon hata i jana na manjagitsa mardongan sonang ni roha. Tapi nada jabat marurat di bagasan roha ni halahi. Hum santongkin sajo do halahi porsaya hape di na ro pandugaan, marbalik ma halahi.

JOHANNES 14:19

Nada sadia honok nari, nada idaon ni portibi on be Au, tapi anggo hamu laing idaonmunu do Au; jana dibaen na mangolu do Au, hamu pe laing mangolu.

BAENON NI ANGKA RASUL 3:19

Hara ni i, pauba hamunu ma rohamunu sian angka dosamunu jana mulak ma hamu tu Debata, anso disesa Ia sude angka dosamunu i.

SURAT NI SI PAULUS TU PARLAGUTAN ROM 8:32

Ia na so mangolani anakNia sandiri, tapi dipasahat Ia do anakNa i hara ni hita sude; nada he lehenonNia muse tu hita sasudena na asing i rap dohot AnakNa i?

SURAT NI SI PAULUS TU PARLAGUTAN ROM 8:34

Ise dope na tarbaen manguhumi hita? Kristus Jesus do mangondihon hita! Ia ma na dung mate, lobi sian i dope, Ia ma na dung dipangolu mangulahi sian hamatean jana di siamun ni Debata do Ia maringanan.

2 TIMOTEUS 2:18

Madung manyimbil halahi sian pangajaran na sintong, jana gabe disego-sego halahi do haporsayaan ni deba halak. Pandok ni halahi anggo hangongot ni angka na mate i ma pola salpu i.

TITUS 1:1

Sian si Paulus, naposo ni Debata, bope rasul ni Jesus Kristus, na nipili do au jana na nisuru laho manyarihon angka na nipili ni Debata anso mur togu di haporsayaanna. Angkon togu-toguonku do halahi laho mananda hasintongan na niajarkon ni ugamonta,

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

IBRANI 7:25

Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.

1 PETRUS 1:1

Sian si Petrus rasul ni Jesus Kristus, tu angka halak na ro, na marserak di Pontus, Galatia, Kapadokia, Asia dohot Bitinia, i ma angka halak na nipili,

1 PETRUS 1:13

Hara ni i hobas ma hamu. Jonggor ma hamu jana mararop ni roha situtu di pasupasu na giot lehenonNa tu hamu di haroro ni Jesus Kristus muse.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

2 PETRUS 3:14

Hara ni i hamu angka dongan na nihaholongan, di na painte-intehon Ari i hamu, situtui hamu ma mangkarejohon anso ulang mardosa be hamu jana martihas di jolo ni Debata. Jana ulang so denggan pardomuanmunu tu Debata.

1 JOHANNES 2:19

Angka halak na dung manadingkon hita do anggo angka musu ni Kristus i, tapi nada halak na masuk tu hita hian halahi. Sugari halak na masuk tu hita hian halahi, tontu angkon tongtong do halahi rap dohot hita. Tapi morot do halahi sian hita anso torang tarida na so masuk tu hita hian sahalak pe sian halahi.