LUKAS 22:18 - BIBEL JAMITA NA DENGGAN

¹⁸ angke Hudok ma di hamu, mulai saonnari nada inumonKu be anggur on lopus di haroro ni Harajaan Ni Debata.”

LUKAS 22:18 Iomraidhean Croise

MASMUR 104:15

jana na mangalehen aek ni anggur hasonangan, dohot miak zetun na mambaen tata bohina, maradu panganon na mangalehen hagogoan disia.

ENDE NA GODANG 5:1

Anggi na huririt, ro do au tu kobunku; huincop asar ni loba dohot aerna; huinum susu dohot anggur; hupalagut angka parmasak dohot anggur. Mangan minum ma, hamu angka dongan sudena, lopus mabuk be hamu di holong ni roha.

JESAYA 25:6

Di Dolok Sion, dihobasi Tuhan Na Markuaso i ma pesta di sude bangso na di tano on. Rade ma dibaen angka sipanganon na tumabo dohot anggur pilian.

JESAYA 55:1

“Ro ma hamu angka na manguas, minum ma hamu, adong do aek na rade. Hamu na so marhepeng, marroan ma hamu! Jagit hamu ma gandum jana mangan ma hamu! Singkop do anggur dohot susu, jagit hamu ma nada pola manggarar.

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

ZAKARIA 9:15

Ondihonon ni Tuhan Na Markuaso i ma halahi, jana pangabison huhut dege-degeon ni halahi ma angka alona. Giot inumon ni halahi ma mudar songon na minum anggur. Lopus gok songon bokor panyiram songon parsuhi ni langgatan.

ZAKARIA 9:17

Dengganna i antong jana jeges! Gandum do mambaen magodang angka doli-doli jana anggur mambaen magodang angka bujing-bujing.

MATEUS 16:18

Au pe Hudok ma tu ho, ‘Si Petrus’ do ho (artina ‘Batu na pir’). Di ginjang ni batu on ma pajongjongKu parlagutanKu na so tartaluhon; sanga na hamatean pe na ro i!

MATEUS 26:29

Ingot hamu ma: Nada inumonKu be parbatu ni hayu anggur lopus tu sada hatiha inumonKu ma anggur na imbaru rap dohot hamu muda dung dipajongjong Damang HarajaanNia.”

MARKUS 14:23

Jadi dung sidung i dibuat Ia muse ma sada panginuman ni anggur. Didok Ia ma tarimakasi tu Debata, dilehen Ia muse ma panginuman i tu angka siseanNia i. Dung i sude ma halahi manginum anggur i.

MARKUS 14:25

Tutu do na Hudok di hamu, inda inumonKu be anggur on. Tapi saulahon inumonKu ma anggur na imbaru muda dung dipajongjong Damang HarajaanNia.”

MARKUS 15:23

Dilehen halahi ma diSia anggur na marcampur mur tapi nada giot Ia manginum i.

MARKUS 9:1

“Satutuna do na Hudok on tu hamu,” ninna Jesus, “Adong do sanga na piga halak na dison on na so jabat mate, anggo so jolo diida halahi Harajaan Ni Debata di bagasan kuaso!”

LUKAS 21:31

Songon i muse muda diida hamu tarjadi angka na Hupardokkon i gabe botoonmunu ma madung donok Harajaan Ni Debata.

LUKAS 22:16

Angke Hudok ma di hamu: Nada panganonKu be sipanganon on lopus dipatulus arti ni parjamuan on di na nipajongjong Debata HarajaanNia.”

LUKAS 9:27

Na tutu do na Hudok on tu hamu: Adong do sian angka na jongjong dison na so mate anggo so jolo marnida Harajaan Ni Debata.”

KOLOSSE 1:13

Madung dipalua Ia hita sian kuaso ni hagolapan jana dipaimbar Ia hita tu bagasan kuaso ni pangarajaion ni Anak haholonganNia i.

HAKIM-HAKIM 9:13

Tapi dialusi bona ni anggur i ma, ‘Dia ma he gabe mantak au parohon anggur na pasonangkon roha ni Debata dohot jolma, hum patunda ni na gabe rajamunu!’