LUKAS 21:34 - BIBEL JAMITA NA DENGGAN

³⁴ “Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

LUKAS 21:34 Iomraidhean Croise

PAMUNGKAAN 19:32

Tole ma tapamabuk amanta anso tarbaen hita campur dohot ia anso adong anakta.”

PAMUNGKAAN 19:35

Songon i ma, borngin i mabuk ma si Lot dibaen halahi jana marcampur ma borunia paduahon i dohot ia. Jana masantaktu do mabuk ni si Lot, nada diboto ia na masa i.

PAMUNGKAAN 27:14

Bulus kehe ma si Jakob mambuat hambeng i jana dioban ia ma tu inangnia. Dipature si Ribka ma panganon giot ni roha ni si Ishak.

MASMUR 35:8

Padiar ma halahi didondoni hasegoan sian na so niambang-ambang. Padiar ma alit halahi di jorat na nibaenna sandiri jana madabu lalu mago boti.

PODA 21:4

Mardosa do halak parjahat i, hara ni na nirajaan ni bulbul dohot ginjang ni roha i.

PODA 23:20

Ulang ho margaul dohot parmabuk sanga halak na songkal,

PARJAMITA 9:12

Nada diboto jolma sanga andigan dapot hatihana. Songon unggas na hona jorat dohot ihan na hona jala, songon i muse do jolma hona mara di hatiha na so ditagam roha.

JESAYA 28:7

Angka panurirang dohot angka malim pe nada be tarhatahon parmabukna hara ni na mabahathu minum anggur dohot tuak. Lenong-lenong pardalan ni halahi jana manjomba-jombaan hara ni na golap pikiranna. Nada diastui angka panurirang be angka parnidaan na nilehen ni Debata tu halahi. Nada tarputuskon angka malim be angka parkaro na lalu tu halahi.

HOSEA 4:11

Parbatu ni anggur dohot aek ni anggur mangagohon hagogoan laho marpikir.

HAMALIMON 10:9

“Dung salpu minum aek ni anggur sanga bir, dohot angka anakmu nada tola masuk tu Bandar Parmianan i. Muda dilaosi hamu aturan i angkon mate hamu. Sude pomparanmu angkon mangoloi aturan on.

MATEUS 13:22

Same na madabu tu tonga-tonga ni duri i, i ma tarsongon halak na mambege jamita i, tapi humolos ma halahi hara ni ngolu ni halahi. Sai giot marlobi-lobi do ngolu ni halahi. Jadi tarhapit ma jamita i di bagasan roha ni halahi, gabe nada marbatu.

MARKUS 13:9

Angkon jamot do hamu, angke tangkupon do hamu, obanon tu rapot ugamo. Dibalbali halahi ma hamu di angka bagas paribadatan. Obanon ma hamu mangadop tu jolo ni angka parkuaso dohot raja-raja hara ni Au. Anso gabe hasaksian ma i taringot tu goarKu di halahi sude.

MARKUS 4:19

tapi disegohon pangkilalaan na humolos ma taringot tu ngolu ni halahi. Sai giot maradong. Marragam ma hagiot na mangganggui roha ni halahi. Gabe mate ma hata i na sian Debata, inda marguna be di roha ni halahi.

LUKAS 10:41

Dialusi Tuhan i ma, “O Marta, Marta! Mabahattu do dipasari-sari rohamu jana sude dihasusahon ho.

LUKAS 12:40

Hamu pe angkon tongtong do hobas, angke di hatiha na so panagamanmunu ro Anak Ni Jolma i, hape disi ma Ia ro.”

LUKAS 17:3

Manat ma hamu! Muda mardosa donganmu, paingot ia antong. Muda manyosal do ia hara ni na dung mardosa ia, ampuni ma.

LUKAS 21:35

Angke songon tirangkap do parro ni ari i tu halak na satano on.

LUKAS 21:8

Didok Jesus ma, “Jago ma hamu anso ulang tarpaoto-oto hamu. Angke bahat do halak na giot marroan mamake goarKu. Dokkonon ni halahi ma, ‘Au ma da Ia!’ dohot ‘Madung dapot hatihana.’ Ulang ihutkon hamu halahi.

LUKAS 8:14

Same na madabu tu tonga-tonga ni duri i, manggambarkon angka halak na manangihon hata i tapi ganggu do roha ni halahi jana por roha ni halahi di sinadongan boti lungun roha ni halahi marsonang-sonang di tano on. Sudena ma i mangkapit halahi mambaen halahi nada marbatuhon parbatu na matoras.

1 KORINTUS 5:11

Anggo na humaksud songon on do: Ulang pardongan hamu halak na mangoku dirina Kristen hape rorang halahi, sanga songkal, sanga pe sioloi gana-ganaan sanga na sai ra pabusuk-busuk dongan, sanga parmabuk sanga pe panangko. Hum sajuguhan pe mangan dohot halak sisongon i, ulang!

1 KORINTUS 6:10

angka panangko, na mangkaut tu diri dohot parmabuk, angka na sai ra manilakoi halak, dohot angka na mambuat sian halak na so bagianna – sude halak sisongon i nada dapotan bagian di Harajaan Ni Debata.

GALATIA 5:20

na manyomba gana-ganaan, sihir, parbadaan, parsalisian, mamikirkon diri sandiri, tahi-tahi na jat, pamola-mola,

PANGARATAION 29:19

Ulang ma adong dison sahalak pe na umbege sadari on pangidoan na koras i hapengani di bagasan rohania laing pos do rohania marnasib na denggan ia tongtong haru pe manggogo ia manustus dalannia sandiri. Hara ni i angkon diabiskon ma sude na maraek dohot na mahiang.

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.

2 PETRUS 3:14

Hara ni i hamu angka dongan na nihaholongan, di na painte-intehon Ari i hamu, situtui hamu ma mangkarejohon anso ulang mardosa be hamu jana martihas di jolo ni Debata. Jana ulang so denggan pardomuanmunu tu Debata.

HALUMBAAN 3:3

Jadi angkon ingotonmunu do mangulahi sanga aha na niajarkon tu hamu najolo, songon i muse dohot na nijagitmunu. I ma dalankon hamu jana pauba hamu ma rohamunu sian angka dosamunu. Anggo nada ngot hamu, ro ma Au songon panangko mandapotkon hamu; jana nada botoonmunu sanga sadihari Au ro.

1 SAMUEL 25:36

Dung mulak si Abigail mandapotkon si Nabal, hapengani masa do pesta godang di bagasnia i songon horja ni raja. Jadi dibaen na mabuk jana marmoga-moga do si Nabal, nada dipaboa dadaborunia i tusia sanga na aha lopus tu ancogotna i.