LUKAS 21:18 - BIBEL JAMITA NA DENGGAN

¹⁸ Tapi sada obuk pe sian ulumunu i nada tola mago.

LUKAS 21:18 Iomraidhean Croise

2 SAMUEL 14:11

Didok anakboru i ma, “Sugari nian ditangiangkon raja i ma jolo tu Tuhan Debata ni raja i, anso ulang jabat dibaen halak na giot mamalos hamamate ni anakki nian hajahatan na gumodang dope marhite na mamunu anakku na sada nari i.” Dialusi si Daud ma, “Mangasahon Tuhan na mangolu i, indada hahuaon anakmi, haru hum saotik pe.”

MATEUS 10:30

Salang obuk na di ulumunu i pe na dung nietong do sudena i.

LUKAS 12:7

Obuk na di ulumunu i pe madung dietong i sude, hara ni i ulang hamu mabiar; dao do ummarga hamu sian angka amporik!”

LUKAS 21:17

Sude ma halak margoyak ni roha tu hamu hara ni goarKu.

BAENON NI ANGKA RASUL 27:34

Hupangido mangan ma hamu jolo bope hum saotik. Denggan do i anso margogo hamu mangulahi. Harana angkon laing malua do hamu sude jana nada pola hurangan hamu sanga aha,” ninna si Paulus.

1 SAMUEL 14:45

Tapi mangkuling ma rayat i tu si Saul, “Angkon mate hona uhum ma he si Jonatan? Inda he ia na maroban hamonangan godang on? Nada! Marjanji do hami mangasahon Tuhan na mangolu i, na so tola agoan obuk sangkamata pe si Jonatan sian ulunia. Angke hara ni panolong ni Tuhan do umbaen na dapotan hamonangan ia di ari sadari on.” Songon i ma rayat i paluahon si Jonatan sian uhum hamatean.

1 SAMUEL 25:29

Sugari sura adong sada halak na mangaroro mangalo tuan i jana na mancubo mamunu tuan i, ingkon do jagohonon ni Tuhan Debata tuan i songon arta na nijagohon ni nampunasa. Tapi anggo musu ni tuan i ambungkonon ni Tuhan do dao-dao, songon batu na didanggurkon dohot ambalang.