LUKAS 21:17 - BIBEL JAMITA NA DENGGAN

¹⁷ Sude ma halak margoyak ni roha tu hamu hara ni goarKu.

LUKAS 21:17 Iomraidhean Croise

MATEUS 10:22

Goyak ma roha ni halak sude mida hamu hara ni Au. Tapi na torus tahan lopus tu ujungna, i do na giot paluaon.

MATEUS 24:9

Dung i ditangkupi ma hamu, dipasahat ma tu parkancitan anso dibunu. Goyak ma roha ni halak na satano on mida hamu hara ni goarKu.

MATEUS 5:11

Martua ma hamu muda diincahi jana diayak-ayak halak hamu, jana dipardok halahi ragam-ragam na jat na so tutu adop hamu hara ni Au.

MARKUS 13:13

Sude ma halak margoyak ni roha mida hamu hara ni Au. Tapi sanga ise na tahan lopus tu ujungna, i do na dapotan haluaon.”

LUKAS 21:16

Jana dohot do natorasmunu, angka kahanggimunu, angka koummunu dohot angka ale-alemunu pasahat hamu. Matehonon ni halahi ma deba sian hamu.

LUKAS 21:18

Tapi sada obuk pe sian ulumunu i nada tola mago.

LUKAS 6:22

Martua ma hamu muda goyak roha ni halak mida hamu jana nada dijagit hamu, boti dipalayas-layas jana didok halak na jahat hamu, hara ni Anak Ni Jolma i!

JOHANNES 15:19

Sugari na sian portibi on hamu, haholongan ni portibi on do hamu songon halaknia. Tapi madung Hupili hamu sian portibi on, jana nada be halak portibi on hamu. Hara ni i do umbaen na hosom roha ni portibi on mida hamu.

JOHANNES 15:21

Baenon ni halahi ma sudena i tu hamu, hara ni na siseanKu hamu harana nada ditanda halahi sanga ise na marsuru Au.

JOHANNES 17:14

Madung Hupalalu tu halahi pangajaran ni Damang jana dihosom portibi on do halahi, angke nada portibi on nampuna halahi; laing sarupa ma i tu Au na so nampuna ni portibi on.

JOHANNES 7:7

Nada na ra portibi on mangkagigihon hamu. Tapi anggo Au tutu ma hagigian ni portibi on, hara ni na sai Hudok tu portibi on bahaso na jahat pambaenanna.

BAENON NI ANGKA RASUL 9:16

Jana patuduhononKu do tusia angka sitaonon na giot taononnia hara ni Au.”

2 KORINTUS 12:10

Jadi gabe jop do rohangku hara ni angka hagaleanki. Jop do rohangku muda adong na mangalayasi au, muda taruli hasusaan, muda dipakojar-kojar halak au, bope muda hubolus hasusaan hara ni Kristus. Angke muda gale au, hape apala disi ma gabe margogo au.

2 KORINTUS 4:11

Salolot mangolu hami, sai tongtong do mangondam hamatean i tu hami hara ni Jesus, anso tarpataridahon muse ngolu ni Jesus di pamatangnami na ra mate on.

2 KORINTUS 4:5

Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.

PILIPPI 1:29

Angke nada hum dalan mangkaporsayai Kristus na nilehen ni Debata tu hamu, tapi dohot do dalan tu parkancitan hara ni Kristus.

1 PETRUS 4:14

Na maruntung do hamu muda dipabile halak hamu songon sada siihutkon Kristus. I ma tandana paboahon na maruli Tondi na sangap hamu, i ma Tondi Parbadia.

HALUMBAAN 2:3

Huboto do na sobar hamu dohot na manaon parkancitan hara ni goarKu, hape laing nada pola mandele hamu.