LUKAS 21:16 - BIBEL JAMITA NA DENGGAN

¹⁶ Jana dohot do natorasmunu, angka kahanggimunu, angka koummunu dohot angka ale-alemunu pasahat hamu. Matehonon ni halahi ma deba sian hamu.

LUKAS 21:16 Iomraidhean Croise

JEREMIA 12:6

Madung pola dihianati angka kahanggimu sandiri ho; dohot halahi mamorangi ho. Ulang porsaya ho tu halahi, haru pe tabo begeon hata ni halahi.”

JEREMIA 9:4

Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

MATEUS 10:21

Masa ma disi marsitangkup kahanggina anso dibunu. Laing songon i ma baenon ni ama-ama tu dakdanakna. Dakdanak pe mangalo do tu simatobangna, dipabunuhon angka anakna ma halahi.

MARKUS 13:12

Jadi pasahaton ni halak ma kahanggina sandiri anso dibunu. Songon i muse ma baenon ni ama tu dakdanakna. Angka dakdanakna pe tuhason ni halahi ma amang ni halahi dohot inangna anso dibunu.

LUKAS 12:53

Aloon ni amangna ma anakna jana anakna maralo tu amangna. Inangna maralo tu boruna jana boruna maralo tu inangna. Namboruna maralo tu parumaenna jana parumaenna maralo tu namboruna.”

LUKAS 21:15

Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.

LUKAS 21:17

Sude ma halak margoyak ni roha tu hamu hara ni goarKu.

BAENON NI ANGKA RASUL 12:2

Hara ni parentania, dibunu ma si Jakobus anggi ni si Johannes dohot podang.

BAENON NI ANGKA RASUL 7:59

Di na nidangguran ni halahi si Stefanus, pio-pio ma ia ning ia ma, “Ale Tuhan Jesus, jagit ma tondingku!”

HALUMBAAN 12:11

Madung ditaluhon angka donganta i ia dohot mudar ni Anak Ni Biri-biri i bope dohot hasaksian ni halahi. Angke nada dihaholongi halahi hosa ni halahi lopus tu hamatean.

HALUMBAAN 2:13

Huboto do sanga di dia hamu maringanan. Di inganan ni kuaso ni Sibolis i do ingananmunu. Burju do hamu tu Au. Dompak na dibunu i pe si Antipas saksingKu na burju i di tonga-tongamunu di markas ni Sibolis i, disi pe nada disoadahon hamu paboa na porsaya hamu di Au.

HALUMBAAN 6:9

Dung i dibuka Anak Ni Biri-biri i ma cap na palimahon. Dung i huida ma di toru ni meja parhaulan i, adong angka tondi ni angka halak na mate hona bunu hara ni haporsayaan ni halahi tu jamita na sian Debata dohot hara ni haburjuon ni halahi pararatkon jamita i.