LUKAS 21:12 - BIBEL JAMITA NA DENGGAN

¹² Tapi taran so tarjadi dope i sudena, tangkupon ma hamu jana parkancitan. Adilan ma hamu di angka bagas paribadatan jana dipamasuk ma hamu tu hurungan. Jana saraton ma hamu tu jolo ni angka raja dohot angka parkuaso hara ni goarKu.

LUKAS 21:12 Iomraidhean Croise

MATEUS 22:6

na asing i ditangkup halahi muse dope angka naposo ni raja i. Dung dibalbali, dibunu ma halahi.

MATEUS 24:8

Pamungkaan dope sudena i, songon pangkilalaan na hancit na nihilala ni ina na giot manubuhon anakna.

LUKAS 21:11

Sanga di dia pe masa ma angka lalo na gogo. Masa ma haleon dohot nyae bala. Masa muse ma angka pangalaho na jorbut dohot angka hahomangan sian langit.

JOHANNES 15:20

Ingot hamu ma hata na Hudok on tu hamu, ‘Nada gumodang naposo sian morana.’ Muda diparkanciti halahi Au, hamu pe laing parkancitan ni halahi muse do. Muda diihutkon halahi pangajaranKi, laing ihutkonon ni halahi muse ma angka pangajaranmunu.

JOHANNES 15:21

Baenon ni halahi ma sudena i tu hamu, hara ni na siseanKu hamu harana nada ditanda halahi sanga ise na marsuru Au.

BAENON NI ANGKA RASUL 22:30

Jadi sai giot botoon ni komandan i ma sanga hara ni aha do satutuna umbaen jabat dipasala halak Jahudi si Paulus. Jadi ancogotna i disuru ia ma marlagut angka sintua ni malim dohot anggota ni Mahkamah Ugamo. Jadi dipalua ma si Paulus sian bayangannia i, dioban ma ia tu jolo ni halahi sude.

BAENON NI ANGKA RASUL 5:40

Dung i dipiohon ma angka rasul i, diloncing jana dilarang ma halahi mangajarkon taringot tu Jesus mangulahi. I pe anso dipalua halahi.

BAENON NI ANGKA RASUL 8:3

Tapi anggo si Saulus sai manggogo ma ia laho manyursari parlagutan i. Masuk ma ia sian bagas na sada tu bagas na asing manyarat halak na porsaya i tu ruar, dipamasuk ia ma halahi tu hurungan.

BAENON NI ANGKA RASUL 9:4

Gabe tungkap ma ia tu tano i jana dibege ia ma sada sora na mandok tusia, “Saulus, Saulus! Biasi diparkanciti ho Au?”

1 PETRUS 2:13

Hara ni Tuhan, oloi hamu ma sudena pamarenta na adong di portibi on; sanga pe tu Kesar na gabe sitiop kuaso na guminjang;

HALUMBAAN 2:10

Ulang ho mabiar taringot tu na giot taononmu. Ligi ma dabuon ni sibolis ma deba sian hamu tu bagasan hurungan, anso niuji hamu, jana manaon parkancitan ma hamu salolot sampulu ari. Sai bonar ma rohamunu lopus tu hamatean i, dung i lehenonKu ma di ho tuku hangoluan.