LUKAS 21:1 - BIBEL JAMITA NA DENGGAN

¹ Diida Jesus ma di Bagas Ni Debata angka halak na kayo pamasukkon hepeng tu poti parhaulan na di Bagas Ni Debata i.

LUKAS 21:1 Iomraidhean Croise

1 RAJA-RAJA 14:26

Dirampas ia ma sude barang sigodang arga na adong di Bagas Ni Debata dohot na di bagas godang ni raja i, songon i dohot angka parince sere na nibaen ni si Salomo.

2 RAJA-RAJA 12:9

Dung i dibuat si Joyada ma sada poti-poti, dibaen ia lubangna sian tutupna i, dipayakkon ia ma i di lambung ni langgatan sabola siamun ni pintu laho masuk tu Bagas Ni Debata. Sude hepeng na nipasahat di Bagas Ni Debata tu poti-poti i ma dipamasuk angka malim na markarejo di pintu haroroan i.

2 RAJA-RAJA 24:13

Disego-sego si Nebukadnesar ma sude parkokas na nibaen ni Raja Salomo sipakeon di Bagas Ni Debata jana dioban ia ma tu Babel sude barang sigodang arga na adong di Bagas i dohot di bagas godang. Songon i ma na masa i, hombar tu na nidok ni Tuhan hian.

2 JUJUR TAON 36:18

Sude do dirampas raja ni Babel i angka parkokas ni Bagas Ni Tuhan dohot angka barang-barang sigodang arga, songon i dohot sinadongan ni raja dohot angka pagawena i lalu dioban tu Babel.

NEHEMIA 13:13

Hutongoskon ma Malim Selemia, si Zadok Ahli Uhum i dohot si Pedaya halak Levi i laho mangawasi angka kamar panyimpanan i. Hutugaskon muse si Hanan anak ni si Zakur jana pahompu ni si Matania i mangurupi halahi. Angke huboto do haposan do halahi jana uruson ni halahi do pambagi ni bahan-bahan i tu angka dongan sakarejo ni halahi satigor-tigorna.

MATEUS 27:6

Dipamuai angka Sintua Ni Malim i ma hepeng i, didok halahi, “Hepeng ni mudar do on. Anggo mangihutkon aturan ni ugamo, nada tola pamasuhon hepeng on tu poti ni haul na di Bagas Ni Debata.”

LUKAS 20:47

Dirugii halahi do angka na mabalu jana dirampas halahi angka bagasna i, hape dipaula-ula halahi ma lolot-lolot martangiang! Musti angkon hona uhum na dokdok halahi!”

JOHANNES 8:20

Sudena i didok Jesus, hatiha mangajari Ia di Bagas Ni Debata di lambung ni poti hepeng. Tapi sahalak pe nada adong na manangkup Ia, angke nada podo dapot hatihana.

JOSUA 6:19

Sude barang-barang na sian perak, sere, tumbaga dohot bosi angkon paasingon do i di Tuhan. Angkon nioban sudena i tu bagasan inganan panyimpanan ni arta ni Tuhan.”

JOSUA 6:24

Dung i disurbu tentara ni Israel ma sude kota i dohot sude na adong di bagasanna, asing sian angka barang sere, perak, tumbaga dohot angka barang na sian bosi. Dibuat halahi do angka barang-barang i jana dioban tu inganan panyimpanan ni arta nampuna ni Tuhan.