LUKAS 20:25 - BIBEL JAMITA NA DENGGAN

²⁵ Dung i didok Jesus ma tu halahi, “Anggo songon i, lehen hamu ma tu Kesar i sanga aha na patut lehenon tu Kesar i, jana lehen ma tu Debata sanga aha na patut lehenon tu Debata.”

LUKAS 20:25 Iomraidhean Croise

PODA 24:21

O anakku, habiari ma Tuhan, jana pasangap ma raja. Ulang ho dohot-dohotan tu na mangalo halahi.

MATEUS 17:27

Tapi anso ulang pola gabe batu partuktuhan di halahi, kehe ma ho jolo mangkail tu dano. Buat ma ihan na parjolo dapot i. Dapot ho ma di baba ni ihan i hepeng satuk ni panggarar ni pajak sian hita na dua. Buat ma hepeng i, gararkon ma tu halahi. I ma pajak sian hita tu Bagas Ni Debata.”

MATEUS 22:21

“Kesar i,” ning halahi mangalusi. Dung i didok Jesus ma tu halahi, “Antong garari hamu ma tu Kesar i sanga aha nampuna ni Kesar i, jana garar muse ma tu Debata sanga aha nampuna ni Debata.”

MARKUS 12:17

“Antong anggo songon i do, pasahat hamu ma mangulahi tu Kesar sanga aha nampuna ni Kesar i. Laing pasahat hamu ma mangulahi tu Debata sanga aha nampuna ni Debata!” Jadi homang ma roha ni halahi umbege Ia.

LUKAS 20:24

“Patidahon hamu ma jolo tu Au sangkibung hepeng perak. Gambaran ni bohi ni ise dohot goar ni ise do di hepeng i?” “Kesar i!” ning halahi mangalusi.

BAENON NI ANGKA RASUL 5:29

Dialusi si Petrus dohot rasul na asing i ma, “Angkon Debata do ihutkononta, nada jolma.

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

1 PETRUS 4:11

Sanga ise na marjamita, barita na sian Debata ma dijamitahon; sanga ise na mangurupi halak na asing, mangasahon gogo na sian Debata ma ia mangurupi, anso tarpasangap Debata markite-hite Jesus Kristus di bagasan sasudena i. Ia do na markuaso jana na patut pasangapon salolot-lolotna. Angkon songon i ma na sapatutna. Amen.