LUKAS 20:24 - BIBEL JAMITA NA DENGGAN

²⁴ “Patidahon hamu ma jolo tu Au sangkibung hepeng perak. Gambaran ni bohi ni ise dohot goar ni ise do di hepeng i?” “Kesar i!” ning halahi mangalusi.

LUKAS 20:24 Iomraidhean Croise

MATEUS 18:28

“Tapi di na kehe i haruar naposo i, marsuo ma ia dohot dongannia, rap naposo do halahi. Adong utang ni dongannia i tusia sanga na piga pulu ribu. Hape ditangkup ia ma manigor dongannia i lalu dipingkok ia jana didok ia ma tu dongannia i, ‘Garar sude utangmi tu au,’ ning ia.

MATEUS 20:2

Jadi dung sada rohania manggarar upa ni parkarejo i sada hepeng perak sadari, disuruhon ia ma halahi markarejo di kobun anggurnia i.

MATEUS 22:20

Dung i disapai Jesus ma tu halahi, “Gambaran ni bohi ni ise do i? Goar ni ise do na tarsurat disi?”

MARKUS 12:16

Dilehen halahi ma sada hepeng perak i. Dung i disapai Jesus ma, “Gambar dohot surat ni ise do on?” “Kesar i!” ning halahi mangalusi.

LUKAS 2:1

Diparentahon Kesar Agustus ma hatiha i anso marsidaftarkon dirina be sude rayat na nirajaannia.

LUKAS 20:22

Tola dehe hami manggarar pajak tu Kesar sanga nada?”

LUKAS 20:23

Hape diboto Jesus do tipu akal ni halahi gabe didok Ia ma,

LUKAS 20:25

Dung i didok Jesus ma tu halahi, “Anggo songon i, lehen hamu ma tu Kesar i sanga aha na patut lehenon tu Kesar i, jana lehen ma tu Debata sanga aha na patut lehenon tu Debata.”

LUKAS 23:2

Dipungka halahi ma disi mangaduhon Ia. Didok halahi ma, “Madung tardapot hami bayo on palilu-liluhon halak. Jana diirangi-irangi Ia do halak anso ulang manggarar pajak tu Kesar; harana pandokNia, Kristus do Ia, sada halak Raja.”

LUKAS 3:1

Di taon palima bolaskon dung mamarenta Kesar Tiberius, si Pontius Pilatus ma na gabe gubernur di Judea, jana si Herodes mamarenta di Galilea. Si Pilipus dongan saama ni si Herodes mamarenta di Luat Iturea dohot Trakhonitis, jana si Lisanias mamarenta di Abilene.

BAENON NI ANGKA RASUL 11:28

Jadi jongjong ma sahalak sian halahi na margoar si Agabus. Dipatubu Tondi i ma tu rohania laho paboahon na giot masa haleon potir di tano on sudena. (Jana tutu do masa haleon potir di hatiha ni Kesar Klaudius mamarenta.)

BAENON NI ANGKA RASUL 26:32

Dung i didok Raja Agrippa ma tu si Pestus, “Tarpalua do bayo on saonnari, sugari nada dipangido ia adilan parkaronia i di jolo ni Kesar.”

PILIPPI 4:22

Sudena halak na badia dison, lumobi sian halahi na sian bagas godang ni Kesar i, manongos tabe do tu hamu angka dongan.