LUKAS 20:11 - BIBEL JAMITA NA DENGGAN

¹¹ Dung i disuru nampuna kobun i muse ma sada nari naposonia na asing, tapi laing dibalbali muse do naposo i jana dipabile, dipaila angka pamola i, baru disuru halahi mulak umpe maroban bagi aha.

LUKAS 20:11 Iomraidhean Croise

HOSEA 10:1

Tudos tu bona ni anggur na ramos marbatu do Israel. Mur martamba-tamba sinadonganna, mur bahat angka langgatan na nibaenna. Mur tamba denggan tano i, mur jeges muse dibaensa angka tugu ni gana-ganaan na nisombana i.

MARKUS 12:4

Gabe disuru nampuna kobun i ma sahalak nari naposonia na asing. Tapi dipotuk angka na markarejo i ma ulu ni naposo i. Jana dipaila halahi.

LUKAS 20:10

Dung dapot hatihana mamutik batu ni anggur i, disuru nampuna kobun anggur i ma naposonia mandapotkon angka na mamola kobun i, laho manjagit suha ni kobun i sian halahi. Tapi dibalbal angka na mamola kobun i ma naposo i jana disuru halahi ma ia mulak umpe bagi aha diobansa.

LUKAS 20:12

Dung i disuru nampuna kobun i ma naposonia na patoluhon. Naposo on pe dibalbali angka pamola i muse dope baru dipamorot halahi sian kobun i.

BAENON NI ANGKA RASUL 7:52

Adong dehe panurirang na so diparkanciti ni angka ompungmunu i? Dibunu halahi do angka suruan ni Debata na mambaen boa-boa narobi, paboa na angkon ro ma Partigor i. Jana saonnari dihianati jana dibunu hamu do Naposo Ni Debata i.

1 TESSALONIKA 2:2

Diboto hamu do dompak so ro hami mandapotkon hamu tu Tessalonika, na dung jolo marhancit do hami jana marlayas di Pilippi. Hape madung dilehen Debata do tu hami habaranion laho manjamitahon Jamita na Denggan na sian Debata i tu hamu haru bahat pe paraloan tu hami.