LUKAS 2:9 - BIBEL JAMITA NA DENGGAN

⁹ Ompot ma ro surusuruan tu halahi, jana marsinondang ma hasangapan ni Tuhan manorangi halahi, gabe mabiar ma halahi.

LUKAS 2:9 Iomraidhean Croise

1 RAJA-RAJA 8:11

na silo mardongan hagodangan ni haroro ni Tuhan gabe nada tarbaen malim i be masuk mangulahi mangkarejohon karejo ni halahi.

HARURUAR 16:10

Hatiha mangkobari dope si Harun tu bangso i sude, humusor ma halahi adop parhorsihan, jana tompu ma diida halahi sumirlak sinondang ni Tuhan di bagasan ombun i.

HARURUAR 16:7

Manyogot idaonmunu ma sumirlak sinondang sian hamuliaan ni Tuhan. Madung dibege Tuhan angka ungut-ungutmunu tuSia, olo tutu, maradopkon Tuhan. Angke anggo hami, hum patulus na niparentahonNia do.”

JESAYA 35:2

Parhorsihan martumburi maradu manyarmak, marhujingjang marlogu na riang-riang. Songon Dolok Libanon jegesna, tudos tu Rura Karmel dohot Saron parnapuna. Gabe tatapon ni halak ma sudena kuaso ni Tuhan dohot hagodangan ni Debatanta.

JESAYA 40:5

Gabe patangkason ma hagodangan ni Tuhan, rap midaan ma sude jolma. Tuhan sandiri do manjanjihonsa.”

JESAYA 60:1

Jongjong ma ho, marsinondang ma ho, madung ro sinondang ni haluaanmu! Disondangi Debata ho marhite hamulianNa.

JEHESKIEL 3:23

Jadi kehe ma au tu rura, jana huida ma disi sinondang na marsilo na patuduhon haroro ni Tuhan songon na huida di topi ni Batang aek Kebar. Dung i tungkap ma au tu tano,

MATEUS 1:20

Hatiha manimbangi pangalaho i dope si Josep, marnipi ma ia. Diida ia ma di nipinia i, ro ma sada surusuruan mandok tusia, “Ale Josep, anak ni si Daud, ulang ho mabiar mambuat si Maria gabe dadaborumu. Harana, sian kuaso ni Tondi Parbadia do na di pamatangna i.

LUKAS 1:28

Jadi ro ma surusuruan i tu si Maria mandok, “Horas ma di ho, bujing-bujing na nipasupasu ni Tuhan! Sai rap do Tuhan i dohot ho!”

LUKAS 2:8

Adong do angka parmahan di humaliangna i, na marborngin manjagoi angka biri-biri ni halahi.

LUKAS 24:4

Jadi di na lalap-lalap jongjong halahi disi, ompot ma jongjong dua halak na marpakean na marsirlak di lambung ni halahi.

JOHANNES 12:41

Songon i do didok si Jesaya, harana madung diida ia hasangapanNia jana na mangkobari ia taringot tuSia.

BAENON NI ANGKA RASUL 12:7

Jadi ompot ma jongjong Surusuruan Ni Tuhan disi, jana gabe ro ma sinondang na torang di bagasan kamar ni hurungan i. Dihutur-hutur surusuruan i ma si Petrus lopus tarsunggul. Dung i didok surusuruan i ma, “Ompoti ma ngot!” Manigor talgang ma rante i sian tangan ni si Petrus.

BAENON NI ANGKA RASUL 27:23

Harana napotangin madung disuru Debata na husomba i surusuruanNia tu au, Debata i do nampuna au.

BAENON NI ANGKA RASUL 5:19

Tapi bornginna i ro ma sahalak surusuruan ni Tuhan mambuka angka pintu ni hurungan i, dioban ia ma angka rasul i tu ruar. Didok surusuruan i ma tu angka rasul i,

2 KORINTUS 3:18

Saonnari nada nigupgupan be bohinta. Songon sormin na nisondangan dohot hatiuran ni Tuhan Jesus do hita. Jadi hara ni i, torus do hita dipauba anso gabe songon Ia, mur honok, mur marsinondang do hita hara ni hatiuran na sian Tondi Ni Tuhanta i.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

IBRANI 12:21

Sanga aha na niida ni halak Israel i, i noma sogenna jabat didok si Musa, “Mabiar do au jana humitir!”

HALUMBAAN 18:1

Dung salpu i, huida ma sada surusuruan na asing mijur sian banua ginjang. Na godang do kuasonia jana gabe torang ma tano on sudena hara ni sahalania.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.