LUKAS 2:7 - BIBEL JAMITA NA DENGGAN

⁷ Ditubuhon ia ma sada Anak halaklahi, i ma panggoarannia. Dibalut ia ma Dakdanak i dohot lampin, dipayakkon ia di palangka ni pahan-pahanan, angke nada dapotan inganan be halahi di parbornginan.

LUKAS 2:7 Iomraidhean Croise

PAMUNGKAAN 42:27

Jadi diparbornginan ni halahi, adong ma sahalak sian halahi na mambuka harung ni eme laho mangalehen mangan halodenia. Diida ia ma hepengnia i di ginjang ni eme i.

PAMUNGKAAN 43:21

Di na mamasang bandar hami di pardalanannami laho mulak, hami buka harungnami i, jana dapot hami ma di bagasan harung i hepengnami be – sude hepengnami i disi. Saonnari hami oban do sude mulak tu hamu.

MASMUR 22:6

Nada jolma au, tapi goya do, diincahi halak jana dipacia-cia do.

HARURUAR 4:24

Di tonga dalan di sada parbornginan, ro ma Debata giot mamunu si Musa.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

MATEUS 1:25

Tapi salolot di pamatang ni si Maria Dakdanak i, inda unjung rap modom si Josep dohot si Maria. Jadi dung sorang Dakdanak i, dibaen si Josep ma goarna Jesus.

MATEUS 13:55

Nada he anak ni tukang hayu i do Ia? Nada he si Maria do inangNia; dohot si Jakobus, si Josep, si Simon dohot si Judas do angka anggiNia?

MATEUS 8:20

Dialusi Jesus ma, “Marliang do sorigala, marasar do angka unggas, tapi anggo Anak Ni Jolma i, i ma suruan ni Debata, nada adong inganan hapayahan ni uluNia.”

LUKAS 10:34

Dipadonok ia ma tu bayo i, dung i dibaen ia ma miak dohot anggur tu bugang ni bayo i, jana dibaluti ia ma na mabugang i. Dung i dipajuguk ia ma bayo i tu halodenia sandiri, laho maroban tu bagas parbornginan, disi ma dipature-ture ia.

LUKAS 2:6

Jadi dung lalu halahi tu Betlehem, dapot ma hatihana mardiapi si Maria.

LUKAS 2:8

Adong do angka parmahan di humaliangna i, na marborngin manjagoi angka biri-biri ni halahi.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.