LUKAS 2:48 - BIBEL JAMITA NA DENGGAN

⁴⁸ Homang ma roha ni simatobangNia i midasa. Didok inangNia i ma tuSia, “Amang! Biasi songon on dibaen Ho tu hami? Ma jabat sak rohangku dohot amangMu manjalak-jalahi Ho!”

LUKAS 2:48 Iomraidhean Croise

MATEUS 12:46

Dompak na mangkobari Jesus dohot halak na bahat i, ro ma inangNia rap dohot angka kahanggiNa, giot mangkobari dohot Ia. Tapi hara ni na so tarbaen dope laing di ruar ma halahi jongjong.

LUKAS 2:49

Dialusi Jesus ma, “Biasi pola jalak-jalahan ni amang dohot inang Au? Inda diboto amang dohot inang lakna paboa na angkon di bagas ni Damang Au?”

LUKAS 3:23

Di na baru mamungka karejoNia Jesus, marumur ma Ia tar tolu pulu taon. Anggo pandok ni halak, anak ni si Josep do ia, i ma anak ni si Eli,

LUKAS 4:22

Di parhatutu halahi do Ia jana homang do roha ni halahi hara ni dengganna sude hata na nidokNia i. Didok halahi ma, “Inda he anak ni si Josep on?”

JOHANNES 1:45

Dung i marsuo muse ma si Pilipus dohot si Natanael jana didok ia ma, “Madung marsuo hami dohot Ia na nidok ni si Musa di bagasan Buku Tona i, dohot na nidok ni angka panurirang, i ma Jesus anak ni si Josep halak Nasaret i.”