LUKAS 2:47 - BIBEL JAMITA NA DENGGAN

⁴⁷ Homang-homang do sude halak na disi umbege angka alusNia na topet-topet.

LUKAS 2:47 Iomraidhean Croise

MASMUR 119:99

Marrohaan do au ulang pado angka gurungku, angke hupasari-sari do angka parentaMu.

MATEUS 13:54

Mulak ma Ia tu huta hagodanganNia. Jadi kehe ma Ia mangajari di bagas paribadatan na disi. Homang-homang ma sude halak na manangihon i, hara ni tabona. Didok halahi ma, “Sian dia do dapot Ia hamaloon na songon i? Dung i sian dia do dapot Ia hagogoonNia mambaen angka hahomangan i?

MATEUS 22:33

Dung dibege halak na bahat i hatorangan ni Jesus i, gabe homang ma roha ni halahi hara ni pangajaranNia i.

MATEUS 7:28

Dung sidung Jesus mangajarkon hataNa sinangkinan i, homang-homang ma roha ni halahi na umbege pangajaranNia i.

MARKUS 1:22

Homang-homang ma halak na manangihon pangajarNia i. Marsahala idaon Ia na mangajar i. Inda songon angka Siboto Surat i.

MARKUS 11:18

Dibege angka sintua ni malim rap dohot angka Siboto Surat do na nidokNia i. Gabe mamungka ma dijalahi halahi dalan laho mamunu Jesus. Tapi mabiar do halahi mida Ia, angke sude halak na bahat na disi i mangkilala, tabo pangajaranNia i.

MARKUS 6:2

Mamungka ma Ia mangajari di Ari Sabat di bagas paribadatan. Bahat do halak na ro disi. Jadi hatiha na mangajari i Jesus, homang ma roha ni halahi. Didok halahi ma, “Sian dia do diboto Ia sudena i? Hamaloon na bia do na diSia i? Na bia do umbaen na malo Ia mambaen hahomangan i?

LUKAS 2:18

Halak pe homang ma rohana umbege carito ni angka parmahan i.

LUKAS 2:46

Dung tolu ari dijalahi halahi, dohot halahi ma Ia juguk-juguk manangihon dohot manyapa-nyapai angka Siboto Surat Jahudi di Bagas Ni Debata.

LUKAS 4:22

Di parhatutu halahi do Ia jana homang do roha ni halahi hara ni dengganna sude hata na nidokNia i. Didok halahi ma, “Inda he anak ni si Josep on?”

LUKAS 4:32

Homang do roha ni halahi mida pangajaranNia i, harana gok kuaso do angka pandohanNia.

JOHANNES 7:15

Homang sajo ma roha ni angka halak Jahudi i. Didok halahi ma, “Sian dia do parbinotoan ni Bayo on, hape nada jungada Ia sikola?”

JOHANNES 7:46

Dialusi angka panjago i ma tu halahi, “Nada adong dope pangkatai ni jolma songon i!”