LUKAS 2:40 - BIBEL JAMITA NA DENGGAN

⁴⁰ Mur magodang ma Dakdanak i, jana mur gogo, gok hapistaran, asa didongani asi ni roha ni Debata do Ia.

LUKAS 2:40 Iomraidhean Croise

MASMUR 22:9

Ho do na paruar au sian bortian, sian na menek dope au dijago Ho anso sonang.

MASMUR 45:2

Sian sandok na margoar jolma, raja i do na jumogi, gok na denggan do angka hata ni raja i, angke antong sai na hot do Debata mamasumasu di raja i.

LUKAS 1:80

Mur magodang ma anak ni si Zakaria i, tondinia pe mur margogo. Di halongonan do ia tinggal lopus dapot hatihana laho patidahon diri ia tu bangso Israel.

LUKAS 2:47

Homang-homang do sude halak na disi umbege angka alusNia na topet-topet.

LUKAS 2:52

Mur honok mur magodang ma Jesus jana mur marbisuk boti jop roha ni Debata dohot jolma diSia.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

BAENON NI ANGKA RASUL 4:33

Mardongan kuaso na godang, disaksihon angka rasul i ma na dung mangolu Jesus mangulahi. Jadi bahat sajo do pasupasu ni Debata di halahi.

EPESUS 6:10

Ujungna, sai margogo ma hamu markite-hite gogo na nijagitmunu sian kuaso ni Tuhan, angke madung sada hamu dohot Tuhan i.

2 TIMOTEUS 2:1

Amang Timoteus! Sai margogo ma ho hara ni asi ni roha na nilehen di hita hara ni pardomuanta i dohot Kristus.

HAKIM-HAKIM 13:24

Dung adong sadia honok muse, ditubuhon ripe ni si Manoah i ma sada anak halaklahi jana dibaen ia ma goarna si Simson. Mur magodang ma dakdanak i boti dipasupasu Tuhan;

1 SAMUEL 2:18

Anggo si Samuel anak ni si Hanna i, dipupu ia do mangoloi Tuhan. Mamake baju efod do ia na dibaen sian abit linen, songon baju parkobas ni angka malim.

1 SAMUEL 2:21

Dipasupasu Debata do si Hanna, gabe sorang ma muse tolu anaknia halaklahi dohot dua anak dadaboru. Si Samuel pe mur magodang ma di jolo ni Debata.

1 SAMUEL 2:26

Tapi anggo si Samuel dakdanak i, mur magodang ma ia boti mur pajop roha ni Tuhan bope roha ni jolma sudena.

1 SAMUEL 3:19

Mur magodang ma si Samuel. Didongani Tuhan do ia jana dipatulus do tutu tarjadi sude na nidok ni si Samuel.