LUKAS 2:37 - BIBEL JAMITA NA DENGGAN

³⁷ mabalu ma ia torus mardangol salapan pulu opat taon honokna. Nada jungada ditadingkon ia Bagas Ni Debata. Arian na borngin disi sajo ma ia marsomba tu Debata martangiang dohot puaso.

LUKAS 2:37 Iomraidhean Croise

MASMUR 22:2

Ale Debatangku, hatiha arian au pio-pio, tapi laing tongtong do hohom Ho. Hatiha borngin martangiang au, laing nada sonang rohangku.

MASMUR 23:6

Huboto do denggan ni rohaMu mida au, jana sai tongtong do Ho manghaholongi au. Jadi tola ma au mian di BagasMu, salolot au mangolu.

MASMUR 27:4

Hum sada do na hupangido tu Tuhan, hum i ma na huhalungunkon: Tinggal di Bagas Ni Tuhan salolot ni ngolungku, laho mandai hadengganan ni Tuhanku jana mangido panogunoguonNa.

MASMUR 84:10

Dumenggan do sadari di BagasMu, ulang pado saribu ari di inganan na asing. Dumenggan do jongjong di horbangan ni Bagas Ni Debatangku, ulang pado tinggal di bagas ni halak na jahat.

MASMUR 84:4

Na martua do halak na tinggal di BagasMu, jana na sai mangendehon pujian di goarMu.

MASMUR 92:13

Tudos do halahi tu hayu na disuan di Bagas Ni Tuhan, jana manyarmak di Bagas Ni Debatanta;

HARURUAR 38:8

Dibaen si Besaleel ma bak, sian tumbaga jana ojahanna pe laing tumbaga muse. Sian angka sormin ni angka dadaboru do dibuat tumbaga i, i ma angka dadaboru na markobas na di Pintu ni Bandar Parmianan Ni Tuhan.

LUKAS 5:33

Didok halahi ma tu Jesus, “Anggo anak sisean si Johannes jotjot do puaso dohot martangiang, songon i muse angka sisean ni Parise. Hape angka anak siseanMu mangan minum do halahi.”

BAENON NI ANGKA RASUL 13:3

Dung jolo puaso jana martangiang, dipayakkon halahi ma tanganna be tu si Barnabas dohot tu si Saulus, jana disuru halahi ma si dua halak i.

BAENON NI ANGKA RASUL 14:23

Diangkat si Paulus dohot si Barnabas ma di angka parlagutan i angka pangituai ni ganop parlagutan. Dung jolo martangiang dohot puaso, dipasahat halahi ma angka pangituai i tu Tuhan na nihaporsayaan ni halahi i.

BAENON NI ANGKA RASUL 26:7

Laing parjanjian i do na nipainte-inte ni halak Israel na dua bolas marga i umbaen na marsitutu halahi marsomba tu Debata arian dohot borngin. Hape hara ni na huhaporsayai janji i, gabe dipasala halak Jahudi ma au.

1 TIMOTEUS 5:5

Na mabalu boti na tarpunjung, jana na so adong sanga na ise na paturehonsa, hum tu Debata ma mararop roha dadaboru na songon i. Martangiang ma ia arian na borngin tu Debata mangido pangurupion.

HALUMBAAN 3:12

Sanga ise na monang, baenonKu ma gabe songon tiang partunggul di bagas na badia inganan ni DebatangKu, jana nada morot-morot be ia sian inganan i. SuratkononKu ma tu halahi sandiri goar ni DebatangKu dohot goar ni kota ni DebatangKu – i ma Jerusalem na imbaru na giot mijur sian banua ginjang. Laing suratkononKu ma dohot goarKu na imbaru tu diri ni halahi.

HALUMBAAN 7:15

I ma umbaen na tola halahi jongjong di adopan ni habangsa ni Debata jana mangoloi Ia arian na borngin di bagasan Bagas Na Badia. Jana rap ma Ia na juguk di habangsa i dohot halahi laho mangondihon halahi.

1 SAMUEL 2:2

Nada adong na badia songon Tuhan, nada adong na gogo songon Ia, nada adong na songon Ia na bisa gabe parondingan.