LUKAS 2:33 - BIBEL JAMITA NA DENGGAN

³³ Homang ma roha ni natoras ni Dakdanak i umbege na nidok taringot tu Dakdanak i.

LUKAS 2:33 Iomraidhean Croise

JESAYA 8:18

On ma da au rap dohot angka dakdanak na nipasahat ni Tuhan tu au. Tuhan Na Markuaso i na mamarenta di Dolok Sion, Ia do na marsuru hami gabe angka saksi na mangolu tu halak Israel.

MATEUS 12:46

Dompak na mangkobari Jesus dohot halak na bahat i, ro ma inangNia rap dohot angka kahanggiNa, giot mangkobari dohot Ia. Tapi hara ni na so tarbaen dope laing di ruar ma halahi jongjong.

MATEUS 8:10

Dung dibege Jesus hata ni tentara na pangkat i, homang ma rohaNia. Gabe didok Ia ma tu halahi na mangihutkon Ia, “Tangihon hamu ma jolo! Nada unjung dope Au marsuo dohot haporsayaan na songon on godangna di tonga-tonga ni halak Israel.

LUKAS 2:18

Halak pe homang ma rohana umbege carito ni angka parmahan i.

LUKAS 2:48

Homang ma roha ni simatobangNia i midasa. Didok inangNia i ma tuSia, “Amang! Biasi songon on dibaen Ho tu hami? Ma jabat sak rohangku dohot amangMu manjalak-jalahi Ho!”

LUKAS 20:26

Jadi tangkas ma di jolo ni halak na bahat i, na so tarbaen halahi padapot hasalaan ni Jesus. Tarkohom jana homang be roha ni halahi hara ni alusNia.

LUKAS 9:43

Homang-komang ma sude halak marnida kuaso ni Debata na songon i godangna. Jadi hatiha homang-komang dope halahi marnida sude na nibaen ni Jesus i, didok Jesus ma tu angka siseanNia i,