LUKAS 2:29 - BIBEL JAMITA NA DENGGAN

²⁹ “Saonnari ma o Tuhan dipatulus Ho baga-bagaMu. Padiar ma mate naposoMon di bagasan sonang.

LUKAS 2:29 Iomraidhean Croise

PAMUNGKAAN 15:15

Ho sandiri pe, jagitonmu ma umur na ginjang, sonang ma parmatemu torus dikuburkon.

PAMUNGKAAN 46:30

Didok si Jakob ma tu si Josep, “Saonnari rade ma au mate, dibaen madung huida ho jana madung huboto na mangolu dope ho.”

MASMUR 37:37

Parrohahon ma halak na burju roha jana partigor, halak na dame, sai adong do siarapkononna.

LUKAS 2:26

Madung dijagit ia baga-baga sian Tondi Parbadia, na paboahon tusia bahaso na so mate dope ia anggo so jolo diida ia Kristus na nimiahan ni Tuhan.

LUKAS 2:28

Dijagit si Simeon ma Dakdanak i jana diabing ia. Torus dipuji ia ma Debata ning ia ma,

PILIPPI 1:23

Angke rap mandasdas do pangalaho na dua i tu au. Lungun sajo do nian rohangku manadingkon portibi on anso rap iba dohot Kristus, angke i do na dumenggan;

HALUMBAAN 14:13

Dung i hubege ma sada sora sian banua ginjang mandok, “Suratkon ma on: Martua do sanga ise halak na mate di bagasan Tuhan mamungka sian hatiha on!” “Na tutu ma i!” ning Tondi i. “Maradian ma halahi sian karejo na dokdok jana daion ni halahi ma suha ni pangoloion ni halahi na sai tongtong mangihut di halahi.”

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”