LUKAS 2:20 - BIBEL JAMITA NA DENGGAN

²⁰ Mulak ma parmahan i huhut mamuji jana dipasangap halahi ma Debata, hara ni sude na niida dohot na nibege ni halahi, songon na dung dipabotohon tu halahi.

LUKAS 2:20 Iomraidhean Croise

MASMUR 106:48

Puji ma Tuhan, Debata ni Israel, saonnari dohot salolot-lolotna. Sude ma halak mandok, “Amen!” Puji ma Tuhan!

MASMUR 107:15

Patut ma da antong halahi mandok tarimakasi, dibaen tongtong halahi dihaholongi Tuhan, dipatupa Ia di halahi angka hahomangan.

MASMUR 107:21

Patut ma da antong halahi mandok tarimakasi, dibaen tongtong halahi dihaholongi Tuhan, dipatupa Ia di halahi angka hahomangan.

MASMUR 107:8

Patut ma da antong halahi mandok tarimakasi dibaen sai holong roha ni Tuhan di halahi, dipatupa Ia angka hahomangan di halahi.

JESAYA 29:19

Angka halak na pogos jana na lebak hilalaonna ma hatuaan na nilehen ni Tuhan, Debata Na Badia ni Israel.

MATEUS 9:8

Jadi mabiar ma halak na midaan i, gabe dipuji halahi ma Debata hara ni kuaso na songon i godang, na dung dilehen Debata di jolma.

MARKUS 1:7

Dibaritahon ia ma songon on, “Saulahon dung salpu au, ro ma Sahalak na gumodang sian au. Hum unduk pe dijoloNia laho mangkarhari tali ni sipatuNia inda tumbuk dope au.

LUKAS 18:43

Jadi manigor marnida ma ia, asa diihutkon ia ma Jesus jana dipuji-puji ia ma Debata. Sude halak na midaan pangalaho i dohot muse ma mamuji-muji Debata.

BAENON NI ANGKA RASUL 11:18

Jadi dung dibege halahi hata nangkinan i, nada be sai dialo halahi si Petrus. Dung i dipuji halahi ma Debata. Didok halahi ma, “Antong dipadohot Debata do halak na so marugamo Jahudi laho paubahon roha sian angka dosana be anso mangolu halahi.”