LUKAS 2:14 - BIBEL JAMITA NA DENGGAN

¹⁴ “Hasangapan ma di Debata na di ginjang, dame ma di tano on di angka jolma halomoan i!”

LUKAS 2:14 Iomraidhean Croise

JESAYA 44:23

O langit, marende ma ho, angke madung martindak Tuhan, o butuha ni portibi, marsurak-surak ma. Dolok dohot hayu-hayu di harangan, marsurak ma marmoga-moga, pasangap ma Tuhan na manobus Israel, bangsoNia.

JESAYA 49:13

Marende ma ho, o langit, marsurak ma ho ale portibi, marsurak angka dolok marendei. Ro Tuhan mangapoi bangsoNia i, dihaholongi Ia bangsoNia angka na susa.

JESAYA 57:19

BaenonKu ma puji-pujian. Dame, hadameon ma di halak na dao dohot na donok. Didok Tuhan pamalumonKu do ia!

MIKA 5:5

Taluhonon ni halahi ma Asur dohot luat ni si Nimrod marhite podang; jana paluaon ni halahi ma hita sian halak Asur, muda ro halahi masuk tu tanonta dohot mamolus luatta jana mandege luatta.

MATEUS 21:9

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

LUKAS 1:79

Songon i ma dilehen Ia sinondangNia tu sude halak na mangolu di bagasan hagolapan dohot biar. Togu-toguonNia ma hita di dalan hadameon.”

LUKAS 19:38

Jana didokkon halahi ma, “Dipasupasu ma Raja i na ro markite-hite goar ni Tuhan! Hasonangan ma di banua ginjang jana hamuliaon ma di inganan na gumincat i!”

LUKAS 2:13

Ompot muse ma ro bahat surusuruan na asing mandongani surusuruan i, mamuji Debata. Ninna halahi ma,

LUKAS 2:15

Dung ditinggalkon surusuruan i angka parmahan i giot mulak halahi tu banua ginjang, marsipandohonan ma angka parmahan i sama halahi, “Beta ma hita tu Betlehem anso taida na masa i, na nipaboa ni Tuhan i tu hita.”

LUKAS 3:22

jadi mijur ma Tondi Parbadia tuSia songon darapati. Dung i tarbege ma sora sian banua ginjang na mandok, “Ho do Anak haholonganKu. Jop do rohangKu mida Ho.”

JOHANNES 14:27

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

JOHANNES 17:4

Madung Hupasangap Ama i di ginjang tano on; jana madung Hupasidung karejo na nisuru ni Ama i karejohononKu.

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

SURAT NI SI PAULUS TU PARLAGUTAN ROM 5:1

Hara ni i, hita na nipatigor markite-hite haporsayaan, mangolu do hita di bagasan hasonangan dohot Debata markite-hite Tuhanta Jesus Kristus.

EPESUS 1:6

Pinuji ma Debata hara ni hadengganan ni rohaNia na songon i godang na nipabotohonNia tu hita mardapot-dapot markite-hite Anak haholonganNia i.

EPESUS 1:9

Sian rohaNia sandiri dipaboa Debata do tu hita rahasia ni sangkapNia. I ma sangkap na dung nitontuhonNia humani sian mulana, angkon markite-hite Kristus do i pasidungonNia.

EPESUS 2:4

Tapi na godang do denggan ni roha ni Debata! Songon i ma holong ni rohaNia tu hita.

EPESUS 2:7

Dibaen Debata pe na songon i, anso diida jolma i do sanga na bia godangna hadengganon ni rohaNia di hatiha na giot ro, i ma na nipatidahonNia tu hita markite-hite Kristus Jesus.

PILIPPI 2:11

Angkon torang ma okuon ni halahi paboa Jesus Kristus do Tuhan; jadi nipasangap ma Debata Ama i muda songon i.

PILIPPI 2:13

angke Debata sandiri do na markarejo di bagasan dirimunu, na mambaen hamu gabe ra jana sanggup pasonangkon roha ni Debata.

KOLOSSE 1:20

Jana markite-hite Anak i muse do dibaen Debata sasudena mardenggan mangulahi dohot Debata – sasudena na di tano on, sanga pe na adong di banua ginjang. Markite-hite hamamate ni AnakNia di hayu parsilang i do dibaen Debata sudena i.

2 TESSALONIKA 2:16

Sai diapoi jana dipatogu Tuhanta Jesus Kristus sandiri bope Debata Amanta i ma rohamunu, anso tarpatulus jana tarjamitahon hamu sanga aha na denggan. Angke dihaholongi Debata Amanta i do hita, jadi hara ni denggan ni rohaNia, diapoi Ia do rohanta dohot apo-apo na manongtong jana dilehen Ia do tu hita arop ni roha na denggan.

HALUMBAAN 5:13

Dung i hubege ma sasude mahluk na di langit, na di tano dohot na di bagasan laut – pendekna sudena mahluk na adong di portibi on – mangendehon, “Na juguk di habangsa i dohot Anak Ni Biri-biri i na tarpuji dohot sipasangapon jana na godang bope na markuaso salolot-lolotna!”