LUKAS 2:13 - BIBEL JAMITA NA DENGGAN

¹³ Ompot muse ma ro bahat surusuruan na asing mandongani surusuruan i, mamuji Debata. Ninna halahi ma,

LUKAS 2:13 Iomraidhean Croise

PAMUNGKAAN 28:12

Dung i marnipi ma ia, songon na niidania ma sada tangga lalu tu langit ujungna i jana manaek mijur ma angka surusuruan di tangga i.

1 RAJA-RAJA 22:19

Didok si Mika ma mangulahi, “Saonnari tangihon ma sanga aha na nidok ni Tuhan! Huida do Tuhan jongjong di juguhan hasangapanNa di banua ginjang, jana sude surusuruanNa jongjong di lambungNia.

JOB 38:7

di na rap marendei angka bintang andostorang dohot angka na nijadihon di banua ginjang marsurak marmoga sonang?

MASMUR 148:2

Puji ma Ia, hamu sude angka surusuruanNia, puji ma Ia, hamu sandok tentara ni banua ginjang!

MASMUR 68:17

Mardongan angka kareta na togu, bahatna marpulu ribu, ro ma Tuhan sian Sinai tu ingananNa Na Badia i.

JEHESKIEL 3:12

Dung i dioban Tondi Ni Debata ma au jana di pudingku hubege ma sora mangaronggur na mandok, “Puji ma hamuliaan ni Tuhan di banua ginjang!”

DANIEL 7:10

Ruar ma sada batang aek api, jana mamolus sian adopanNia; saribu noli marribu-ribu angka na mangoloi Ia, jana bahat sajo do jolma jongjong di joloNia. Dung i juguk ma angka Panguhum jana diungkap ma Angka Buku.

LUKAS 15:10

Hudok ma di hamu! Laing songon i ma angka surusuruan ni Debata. Marjop ni roha ma halahi muda adong sada halak na jahat paubahon rohana.”

LUKAS 2:12

Songon on ma tandana: Dapot hamu ma disi Dakdanak na baru sorang dibungkus dohot lampin, dipapodom di bagasan palangka ni pahan-pahanan.”

LUKAS 2:14

“Hasangapan ma di Debata na di ginjang, dame ma di tano on di angka jolma halomoan i!”

EPESUS 3:10

On do maksud ni Debata disi: anso saonnari, sude na maniop kuaso di awang-awang i mamboto hamaloon ni Debata di sude ragam rupa ni pangalaho markite-hite parlagutan i.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

IBRANI 1:14

Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.

HALUMBAAN 5:11

Dung i manaili ma au mangulahi. Hubege ma sora ni surusuruan na marribu-ribu dohot na marjuta-juta bahatna! Jongjong ma halahi humaliang habangsa i dohot humaliang mahluk siopat-opat i dohot angka pangituai i.