LUKAS 19:9 - BIBEL JAMITA NA DENGGAN

⁹ Didok Jesus ma tusia, “Mamungka sadari on dapotan haluaon do pangisi ni bagas on, harana pinompar ni si Abraham do ia.

LUKAS 19:9 Iomraidhean Croise

LUKAS 13:16

Antong, saonnari dison adong sada halak anak boru pinompar ni si Abraham, na dung pola salapan bolas taon honokna dirahuti Sibolis i. Na so tola dehe ia dipalua sian ihot-ihotnia di Ari Sabat?”

LUKAS 13:30

Angka halak na parpudi i ma na gabe na parjolo. Jana halak na parjolo saonnari, i ma na gabe parpudi.”

LUKAS 16:24

Dung i marsurak ma halak na kayo i, ‘Jo amang Abraham! Ibo ma rohamu di au, suruhon ma jolo si Lasarus mangaronjomkon jari-jarinia tu aek anso ro ia palambokkon dilangkon. Markancit sajo do au di bagasan api on!’

LUKAS 16:30

Tapi dialusi halak na kayo i ma, ‘Nada tuk i, amang Abraham. Tapi sugari adong ma halak na mate na mulak mangolu jana ro mandapotkon halahi, baru pe anso muba halahi sian angka dosa ni halahi.’

LUKAS 2:30

Angke madung diida matangku sandiri haluaan na sian Ho.

LUKAS 3:8

Patidahon hamu ma jolo pangalahomunu paboa na dung muba hamu sian angka dosamunu i! Dung i ulang pola dok hamu di bagasan rohamunu, ‘Si Abraham do ompungnami! Angke angkon ingotonmunu do: Sian angka batu on pe tarbaen Debata do pinompar di si Abraham!’

SURAT NI SI PAULUS TU PARLAGUTAN ROM 4:16

Hara ni i, janji i marondolan tu haporsayaan, anso mangihutkon asi ni roha, gabe marpanginonai ma janji i tu sude pomparan ni si Abraham, nada hum di halak na mangolu sian Tona i, tapi dohot do di halak na mangolu sian haporsayaan ni si Abraham. Ompu ni hita sude do ia,

GALATIA 3:14

Dibaen Kristus Jesus pe songon i anso laing dilehen do tu angka bangso na asing pasupasu na nijanjihon ni Debata tu si Abraham i. Dung i hita na porsaya tu Debata, tola ma manjagit Tondi na nijanjihon ni Debata i.

GALATIA 3:29

Muda nampuna ni Kristus do hamu, gabe pomparan ni si Abraham ma hamu. Marhak do hamu manjagit sanga aha na dung nijanjihon ni Debata.

GALATIA 3:7

Jadi angkon tangkas do botoonmunu, sanga ise na mangolu di bagasan haporsayaan, i do angka pomparan ni si Abraham.

1 PETRUS 2:10

Na jolo, nada bangso ni Debata hamu, hape anggo saonnari bangso ni Debata do hamu. Najolo, nada dihaholongi Debata hamu, hape anggo saonnari didai hamu do asi ni rohaNia.