LUKAS 19:5 - BIBEL JAMITA NA DENGGAN

⁵ Dung lalu Jesus disi, ditailihon Ia ma tu ginjang jana didok Ia ma tu si Zakeus, “O Zakeus, pasigop ma mijur! Angke giot ro do Au tu bagasmu sadari on.”

LUKAS 19:5 Iomraidhean Croise

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

JEHESKIEL 16:6

Dung i mamolus ma Au jana Huida ho marngeati di tonga-tonga ni mudarmu, tapi Hudok ma: Angkon mangolu do ho,

LUKAS 19:10

Angke na giot manjalahi dohot paluahon angka halak na lilu do umbaen na ro Anak Ni Jolma i.”

LUKAS 19:2

Adong do di kota i sada halak kapala ni sitagi pajak na kayo, i ma na margoar si Zakeus.

LUKAS 19:4

Jadi marlojong ma ia manjoloi angka jolma i, dipanaek ia ma sada hayu gala-gala, anso tarida ia Jesus na giot mamolus sian i.

LUKAS 19:6

Diompoti si Zakeus ma mijur, jop ma rohania manjagit Jesus.

JOHANNES 1:48

“Sian dia diboto Ho taringot tu au?” ninna si Natanael manyapai Jesus. Dialusi Jesus ma, “Taran so dipio si Pilipus ho, dompak di toru ni bona ni hayu ara i dope ho, madung Huida ho.”

JOHANNES 14:23

Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

2 KORINTUS 6:1

Tapi songon dongan saparkarejoan do hami podai hamu, gomos ma hami pangido tu hamu, ulang ma parsayang hamu hadengganan ni roha ni Debata i.

EPESUS 3:17

Hara ni na porsaya i hamu tu Kristus, sai maringanan ma nian Kristus di bagasan rohamunu, jana mur togu ma ngolumunu hara ni holong ni roha na dung marurat di bagasan hamu.

IBRANI 13:2

Ulang pola gamang hamu manjagit dongan na so haru tangkas dope ditanda hamu. Angke di na patupahon na songon i sian na so pamotoan, madung dijagit ia surusuruan di bagasnia.

HALUMBAAN 3:20

Ligi ma! Jongjong do Au di jolo ni pintu manektek. Muda adong halak na umbege sorangKi, gabe dibuka ia pintu i, masuk ma Au mandapotkon ia; mangan ma Au rap dohot ia jana ia rap dohot Au.