LUKAS 19:44 - BIBEL JAMITA NA DENGGAN

⁴⁴ Roncohonon ni halahi ma ho, songon i sude halak na adong di bagasan tembok ni kotami; nada dipadiar halahi umpe sada batu di ginjang ni donganna, hara ni na so diparrohahon ho sanga andigan Debata ro giot paluahon ho!”

LUKAS 19:44 Iomraidhean Croise

MASMUR 137:9

Martua ma sanga ise na mambuati angka dakdanakmu jana na manyampakkonsa tu dolok batu.

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

JESAYA 29:3

BaenonKu noma undung-undungKu di sude luat ni kota i giot mamorangi ho, jana laho mambuat inganan-inganan panjago laho mamata-mata i ho, jana pajongjongonKu ma angka kandang manghobuk ho.

JEREMIA 11:23

Madung Hubuhul ari laho parohon hamamago tu angka halak Anatot, jana muda dapot hatihana i, sahalak pe nada adong na malua.”

ANDUNG 1:8

Dipahodar Jerusalem do dirina sandiri dohot dosa na nibaenna i mambaen gigi. Saonnari talak-talak ia jana marlayas; ma pola mago sude hagodanganna. Humolos ia, hara ni na dung maluak bohina.

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

MIKA 3:12

Hara ni hajahatanmi, pangkuran noma Sion songon ladang. Jerusalem gabe timbunan ni angka batu, jana dolok ni Bagas Na Badia gabe gasgas.

MATEUS 24:2

Dung i didok Jesus ma tu halahi, “Parrohahon hamu ma sudena i, harana sada batu pe nada tola tinggal susun di ingananna hian. Angkon hona gargar sude.”

MARKUS 13:2

Dialusi Jesus ma, “Angka bagas na godang-godang i dehe na niidamu? Umpe sada batu sian angka bagas i sude na tola tarsusun di ingananna humani. Angkon disargehon sude.”

LUKAS 1:68

“Pinuji ma Tuhan Debata ni bangso Israel Madung ro Ia manopot bangsoNa, jana paluahon halahi.

LUKAS 1:78

hara ni asi dohot holong ni roha na sian Debatanta, jana marhite i do bincar di hita sinondang manyogot sian inganan na gincat.

LUKAS 19:42

Humolos ma Ia, “Dengganna i sugari diboto hamu sadari on sanga aha na porlu di hamu laho manjagit hadameon i! Hape saonnari buni do i di jolo ni matamu.

LUKAS 21:6

“Saulahon adong do hatihana, sudena na niidamunu on angkon segohononkon jana umpe adong sada batu pe na dison on na laing di ingananna hian!”

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.