LUKAS 19:37 - BIBEL JAMITA NA DENGGAN

³⁷ Jadi dung marayak lalu Jesus tu Jerusalem, di panuatan na di Dolok Zetun, marsurahi ma halak na bahat angka na mangihutkon Jesus mamuji-muji Debata dohot sora na gogo, hara ni sude hahomangon na niida ni halahi.

LUKAS 19:37 Iomraidhean Croise

1 JUJUR TAON 15:28

Diudurkon halak Israel ma sude Poti Parjanjian i lalu tu Jerusalem marsurak-surak marmoga-moga, dohot sora ni sarune, suling, simbal dohot hasapi.

2 JUJUR TAON 29:36

Jadi gabe sonang ma roha ni Raja Hiskia dohot rayatnia i dibaen di na sangombas sajo madung diurupi Debata halahi laho patuluskon sudena i.

MATEUS 21:1

Dung donok halahi tu Jerusalem, lalu ma halahi tu Betpage na di lambung ni Dolok Zetun. Disuru Jesus ma dua halak siseanNia i parjolo.

MARKUS 13:3

Dung lalu halahi tu Dolok Zetun, juguk ma Jesus di sada juguhan na topet paadop-adop dohot Bagas Ni Debata. Dung i ro ma si Petrus, si Jakobus, si Johannes dohot si Andreas giot mangkatai dohot Ia.

MARKUS 14:26

Dung i diendehon halahi ma sada ende puji-pujian. Torus kehe ma halahi tu Dolok Zetun.

LUKAS 18:43

Jadi manigor marnida ma ia, asa diihutkon ia ma Jesus jana dipuji-puji ia ma Debata. Sude halak na midaan pangalaho i dohot muse ma mamuji-muji Debata.

LUKAS 19:20

Ro ma naposo na asing mandok, ‘Tuan indon ma hepengmi, hubungkus do di sapu tangan.

LUKAS 19:29

Dung marayak Betpage dohot Betania na di Dolok Zetun, disuru Ia ma parjolo dua halak siseanNia.

LUKAS 19:36

Jadi hatiha mamolus Jesus na marhalode i, diparpahembang angka jolma i ma pakean ni halahi di dalan i.

LUKAS 7:16

Sude ma halak mabiar, dipuji halahi ma Debata. Ninna halahi, “Madung tarida sada panurirang na godang di tonga-tonganta! Madung ro Debata laho paluahon bangsoNia!”

JOHANNES 12:18

I do umbaen na marroan halak na bahat i mandapotkon Jesus, harana madung dibege halahi na nibaenNia hahomangan i.