LUKAS 19:29 - BIBEL JAMITA NA DENGGAN

²⁹ Dung marayak Betpage dohot Betania na di Dolok Zetun, disuru Ia ma parjolo dua halak siseanNia.

LUKAS 19:29 Iomraidhean Croise

ZAKARIA 14:4

Jongjong ma Ia di ari i di Dolok Zetun, sabola Habincaran ni Jerusalem. Jadi gabe mabola ma Dolok Zetun i mamungka sian Habincaran lalu tu Hasundutan baenon ni holbung na bidang. Manggulot sabola Utara ma satonga sian dolok i, jana satonga nari tu Selatan.

MATEUS 21:17

Dung i kehe ma Jesus, ditadingkon Ia ma halahi. Kehe ma Ia tu kota Betania disi ma Ia marborngin.

LUKAS 19:30

Didok Ia ma, “Kehe ma hamu tu huta na di jolomunu an. Muda dung lalu hamu disi, dapotonmunu ma sada anak ni halode na tambat jana na so jungada dope dilombut halak. Harkari hamu ma halode i jana oban hamu ma tuson.

LUKAS 19:37

Jadi dung marayak lalu Jesus tu Jerusalem, di panuatan na di Dolok Zetun, marsurahi ma halak na bahat angka na mangihutkon Jesus mamuji-muji Debata dohot sora na gogo, hara ni sude hahomangon na niida ni halahi.

LUKAS 21:37

Di Bagas Ni Debata do Jesus arian i mangajari tapi dung borngin kehe ma Ia tu Dolok Zetun jana disi do Ia marborngin.

LUKAS 22:39

Dung i kehe ma Jesus ruar sian kota i songon na somal tu Dolok Zetun, jana dohot do angka siseanNia i kehe rap dohot Ia.

LUKAS 24:50

Dung i dioban Jesus ma halahi tu balian, lopus tu Betania. Diangkat Ia ma disi tanganNia mamasumasu halahi.

BAENON NI ANGKA RASUL 1:12

Dung i mulak ma angka rasul i tu Jerusalem sian Dolok Zetun. Na donok do dolok i tu Jerusalem, hira-hira sakilometer daona.